Iflinex ng aktres na si Dawn Chang ang abogado at latest boyfriend na si Ralph Calinisan kasunod ng kamakailang kaarawan nito.
Noong Biyernes, Oktubre 7, isang matamis na mensahe ang hatid ni Dawn kay birthday ni Ralph.
“Para sa napaka-espesyal na tao sa buhay ko. Maligayang kaarawan saiyo. May God continue to protect and guide you dahil napakabuti ng puso mo. Kasama mo ako sa kahit na anong laban. Mahal kita,” mababasa sa IG post ng aktres habang naka-tag ang abogado, Biyernes, Oktubre 7.
Niligwak daw sa TNT: ABS-CBN, It's Showtime pinaratangang credit crabber dahil kay Sofronio
Agad na kinakiligan ng mga kaibigan ang tila opisyal na anunsyo ng dalawa.
“Wow naman so happy para sa inyong dalawa Atty. @ralph_calinisan and @thedawnchang yahooooo!” komento ni Kapuso comedian Pokwang.
“OMGGGG OMGGGGGGGG!!!!!! So happy for you ate. Deserve na deserve. Happy birthday atty @ralph_calinisan ❤️❤️❤️❤️” reaksyon naman ni Joj Martin Agpangan sa balita.
“Ay may pa-Instagram official! 😍” segunda rin Gretchen Ho.
Sunod namang tinugunan ng abogado ang mensahe ng nobya sa isang hiwalay na IG post.
“Para sa prinsesang matiyagang umuunawa, nagtitiis at sumusuporta sa aking mga tinatahak, maraming salamat. Malupit ang super powers mo, at napagtiyagaan mo ako. Dawn talaga ako sa huwarang kabiyak. Mahal kita,” ani Ralph.
Ang abogado ang tumatayong executive officer ng Quezon City People’s Law Enforcement Bureau o PLEB.
Partner lawyer din ang personalidad sa Calinisan Domino & Beron Law Offices.
Noong kasagsagan ng kampanya, naispatan ding magkasama ang dalawa sa pagsuporta sa noo’y presidential bid ni dating Vice President Leni Robredo.
Si Ralph din ang tumayong abogado ni Dawn nang makaladkad sa isyu ng showbiz commentator na si Cristy Fermin noong Pebrero.
