DAGUPAN CITY -- Isang school principal ang nagsampa ng pormal na reklamo laban sa 24 taong-gulang na babae dahil sa pagnanakaw umano ng mga gadget na inisyu ng Department of Education (DepEd) Division’s Office.
Sa ulat mula sa tanggapan ni Police Colonel Jeff Fanged, officer in charge Pangasinan Police Provincial Office, nakasaad na si Jimmy De Guzman Cancio, Principal ng Pantal Elementary School, Dagupan City, ay humarap sa Dagupan City Police.
6 dayuhang nagsasagawa ng medical mission sa Leyte, ninakawan!
Ito ay para magsampa ng pormal na reklamo laban kay Jenny Aguila, 34, residente ng San Juan, La Union na nagnakaw ng 10 Teclast Model TLA 007 Tablets at pitong charger na inisyu sa nasabing paaralan noong Hunyo 24, 2022.
Noong Setyembre 20, 2022 sa bandang 8:45 A.M., nadiskubre ni Rosario Cason, Administrative Officer II ng nasabing paaralan na gusot at nawawala ang mga inilabas na tablet na nakatabi sa Principal’s Office.
Nang maglaon, natuklasan na ang suspek na si Aguila, live-in partner ng school utility worker na si Jeffrey Garcia, na kapwa nakatira sa isang kuwarto ng nasabing paaralan, ay umamin sa mga guro at barangay security force na siya ang responsable sa pagnanakaw.
Nagsimula siyang magnakaw isa-isa mula unang linggo ng Hulyo 2022 hanggang sa ikatlong linggo ng Setyembre 2022 kung saan ibinenta niya umano ang mga ito sa halagang Php 500.00 hanggang Php 1,000.00.
Sa isang follow-up na imbestigasyon, nagresulta ito sa pagbawi ng anim na Teclast Tablet na maayos na nai-turn-over sa paaralan.
