Eksperto, muling hinikayat ang pagsusuot ng face mask sa loob ng PUVs-Balita

Eksperto, muling hinikayat ang pagsusuot ng face mask sa loob ng PUVs

Hinimok ng isang infectious disease expert ang mga pasahero ng public utility vehicles (PUVs) na magsuot pa rin ng face mask para mabawasan ang panganib na mahawaan ng Covid-19 virus.

Nagpahayag ng pagkabahala ang eksperto sa kalusugan na si Dr. Rontgene Solante kasunod ng desisyon ng Land Transportation Franchising and Regulatory Board (LTFRB) na payagan ang mga nakatayong pasahero sa Public Utility Buses (PUBs) at Modern Public Utility Jeepneys (MPUJ) sa mga lugar na nasa ilalim ng Alert Level 1.

“That will always be a problem because nandoon ka sa loob na siksikan and wala na tayong distance na mataas. Tapos meron kang isa na inuubo o sinisipon lang and especially some of them are not wearing the face mask, talagang may magkakahawaan diyan,” aniya sa isang panayam sa CNN nitong Miyerkules, Setyembre 28.

Binigyang-diin ni Solante ang kahalagahan ng pagsusuot ng face mask sa loob ng mga PUV para maprotektahan ang sarili laban sa Covid-19.

“You just have to wear the face mask, you have to protect yourself, parang kanya-kanya na para hindi tayo mahawaan,” dagdag niya.

Batay sa LTFRBs Memorandum Circular No. 2022-070, pinapayagan nito ang mga nakatayong pasahero sa mga PUB at MPUJ na napapailalim sa mga sumusunod na kondisyon:

Para sa low entry/low floor PUBs, maximum na 15 nakatayong pasahero lang ang pinapayagan, kahit isang tao lang ang pagitan.

Para sa mga coach-type na PUB, maximum na 10 nakatayong pasahero lang ang pinapayagan, kahit isang tao lang ang pagitan.

Para sa MPUJs-Class 2, limang nakatayong pasahero lang ang pinapayagan, kahit isang tao ang pagitan

“Imposed existing policies on minimum public health protocols inside PUVs shall be strictly observed at all times,” anang LTFRB.

“Failure to comply with this MC shall be considered as a violation of the terms and conditions of their CPC (Certificate of Public Convenience), and appropriate penalties shall be imposed against the operator under the provisions of Joint Administrative Order No. 2014-01,” dagdag nito.

Analou de Vera

VP Sara, tahasang iginiit na hindi niya binoto si Romuadlez

Tahasang iginiit ni Vice President Sara Duterte ang kaniyang mensahe para kay House Speaker Martin Romualdez matapos siya nitong utusan na sumipot na raw sa mga pagdinig ng Kamara hinggil sa paggamit niya ng kaniyang confidential funds.Sa press conference na isinagawa ng kampo ng Pangalawang Pangulo nitong Biyernes, Nobyembre 22, 2024, diretsahan niyang sinabi na hindi raw niya binoto si Romualdez...

Matapos maligwak ang request: Paolo Duterte, pumayag manatili si VP Sara sa kaniyang opisina

Tila palitan ng liham ang eksena sa pagitan ng House committee on good government and public accountability at magkapatid na sina Vice President Sara Duterte at Davao Rep. Paolo Duterte nitong Biyernes, Nobyembre 22, 2024.Matapos kasi ang kumpirmasyon na nagpalipas ng gabi ang Pangalawang Pangulo sa Kamara nitong Huwebes, Nobyembre 21 upang samahan daw ang kaniyang chief of staff na si Zuleika...

Ping Lacson, kinilala ambag nina PNoy, PBBM sa estado ng kaso ni Mary Jane Veloso

Nagbigay ng pahayag si dating senador Ping Lacson tungkol sa sitwasyon ni Mary Jane Veloso at iginiit ang mga naging kontribusyon nina dating Pangulong Benigno “Noynoy” Aquino at Pangulong Ferdinand “Bongbong” Marcos.KAUGNAY NA BALITA: Nasentensyahang si Mary Jane Veloso, babalik na sa Pilipinas—PBBMInihayag ni Lacson sa kaniyang opisyal na Facebook account nitong Biyenes, Nobyembre 22,...