Ito ang ibinahagi ng batikang showbiz insider na si Manay Lolit Solis sa aniya’y “love-hate relationship” nila ni Kris Aquino.
Dagdag ni Manay, hindi aniya puwedeng hindi mahalin ang isang Kris dahil bukas pa rin itong tumulong sa kabila ng personal na pinagdadaanan, sabay pagbabahagi ang pagtawag umano ng celebrity socialite kamakailan para ipaabot ang maaring tulong sa gitna ng kaniyang pagpapa-dialysis.
“To think na meron siyang sakit at nasa abroad siya. Talagang kahit love/hate ang relationship namin dalawa, hindi talaga nalimutan ni Kris Aquino ang naging friendship namin,” dagdag ni Manay.
Matatandaang patuloy na nakikipaglaban si Kris sa apat na autoimmune disease sa ilalim ng ilang eksklusibong medical procedure sa Amerika.
Carlos Yulo, wala pa raw naibibigay na tulong sa pamilya kahit palihim na abot?
“Kahit kelan sasabihin ko na walang mean bone si Kris, puwede na naughty siya, tactless pero magaan at bukas palad siya dahil mabait ang puso niya. More than anything gusto ko gumaling si Kris para sa mga anak niya,” panalangin ng kilalang showbiz icon.
“Kris Aquino will always be special sa lahat ng tao na natulungan niya, sa mga kaibigan niya, at lalo na sa nagmamahal sa kanya,” dagdag ni Manay Lolit.
Sa huli, isang paghikayat sa tuluyang pagpapagaling ng aktres ang hiling ni Manay para kay Kris.
“Pagaling ka Kris, don't stress yourself sa mga bagay na walang kuwenta, you are loved and you are worth the love,” aniya habang muling pinasalamatan ang kabaitan nito.
