Ang planong kumuha ng 10,000 guro para sa susunod na school year ay hindi magpapahusay sa kalidad ng edukasyon o magbibigay-daan sa pagbawi ng edukasyon sa bansa, sinabi ng Alliance of Concerned Teachers (ACT) noong Martes, Setyembre 27.
Ipinalabas ng Department of Education (DepEd), noong Linggo, Setyembre 25, ang plano nitong kumuha ng humigit-kumulang 10,000 guro para sa school year 2023-2024 para makatulong sa pagresolba sa kakulangan ng mga guro sa Pilipinas.
Ang planong ito, gayunpaman, ay binatikos ng grupo ng mga guro na ACT, na nagsasabing "wala nang bago" sa iskema na ito dahil ito ay naging "baseline yearly allocation" ng pambansang pamahalaan sa loob ng ilang taon.
“Walang bago sa paglikha ng 10,000 bagong posisyon sa pagtuturo. Hindi ito isang plano para bawasan ang kasalukuyang laki ng klase o pagaanin ang trabaho ng mga guro,” anang grupo.
Empleyadong lasing, patay matapos sapakin ng ginising na katrabaho
Para kay ACT Deputy Secretary Dana Janella Beltran, kailangan ng DepEd na kumuha ng 147,000 bagong guro para mapababa ang laki ng klase sa ideal na bilang na 35.
“Ang pagkakaroon ng sapat na bilang ng mga guro at pagpapababa ng kanilang trabaho sa makataong antas ay sentro sa pagtugon sa kasalukuyang krisis sa edukasyon. Hindi natin ito magagawa kung ang ating mga guro ay humahawak ng anim, pito, walo o higit pang mga klase na may tig-50 estudyante,” saad ni Beltran.
Charlie Mae F. Abarca
