4 suspek sa pagnanakaw sa ilang nagpapautang na Indiano sa QC, timbog-Balita

Apat na lalaki na itinurong nagnakaw sa dalawang Indian lender sa Quezon City ang arestado sa isinagawang follow-up operation ng mga miyembro ng Payatas Bagong Silangan Police Station (PS 13) noong Biyernes, Setyembre 23, inihayag ni Quezon City Police District (QCPD) director Brig. Gen. Nicolas Torre II.

Kinilala ni Police Lt. Col. Roldante Sarmiento, station commander ng PS 13, ang mga suspek na sina Jayruss Calzado, 31, ng Caloocan City; Ninoy Aquino, 39; Carlo Candelaria, 36; at Loreto Candelaria, 56, pawang residente ng Brgy. Payatas, Quezon City.

Sa ulat ng pulisya, nangongolekta ng utang sina Beant Singh Sran at Gurpyar Singh sa lugar ng San Miguel St., Brgy. Payatas bandang 12:30 p.m. noong Biyernes nang sumulpot ang mga suspek na sakay ng kanilang mga motorsiklo at, habang tinutukan ng baril, kinuha ang lahat ng nakolektang pera ng mga biktima na nagkakahalaga ng P18,000.

Agad namang nagsagawa ng follow-up operation ang mga awtoridad matapos makatanggap ng ulat na nagresulta sa pagkakaaresto sa mga suspek dakong alas-4 ng hapon.

Sinabi ng pulisya na itinuro ng isang Julius Caesar Garcia ang mga suspek bilang mga taong nagnakaw sa kanyang tindahan ng karne noong Setyembre 22.

Bukod dito, humarap sa himpilan sina Harwinder Singh at Bhupinder Singh Dhalinal, mga Indian national din, at kinilala ang mga suspek na parehong mga taong nagnakaw sa kanila noong Setyembre 22 sa Bicol St. sa Brgy. Payatas, Quezon City.

Narekober mula sa mga suspek ang isang improvised firearm, apat na replica firearms, dalawang wallet, apat na cellular phone, apat na helmet, isang ID sa pangalan ni Bhupinder Singh Dhaliwal, at isang asul na Honda TMX.

Sasampahan ng kasong robbery, theft, at paglabag sa Republic Act 10591 o Comprehensive Law on Firearms and Ammunition ang apat na suspek.

Nagpasalamat si Quezon City Mayor Joy Belmonte sa QC police sa kanilang mabilis na pagresponde sa insidente na naging dahilan ng pagkakaaresto ng mga suspek.

Pinuri rin ni Brig. Gen. Torre III at acting NCRPO director, Brig. Gen. Jonnel Estimo ang PS 13 para sa kanilang mabilis na pagtugon.

Jaleen Ramos

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...