Tumaas sa mahigit 188,000 ang kabuuang bilang ng mga nasa hustong gulang na nakatanggap ng kanilang unang booster shot laban sa Covid-19 sa lungsod ng Muntinlupa.
Ayon sa datos mula sa Muntinlupa City Health Office (CHO), ipinapakita na noong Setyembre 20, ang mga unang tumanggap ng booster shot sa populasyon ng nasa hustong gulang sa lungsod ay tumaas sa 188,256, may pagtaas ng 1,758 katao mula sa 186,498 noong Setyembre 14.
Ang kabuuang saklaw ay katumbas ng 42.54 porsiyento ng target na populasyon na 442,517, o 80 porsiyento ng kabuuang populasyon ng Muntinlupa na 553,146.
Bukod dito, mayroong 33,977 indibidwal na nakatanggap ng kanilang pangalawang booster shot sa Muntinlupa.
VP Sara sinabing si Romualdez ang gustong pumatay sa kaniya
Ang kabuuang populasyon ng Muntinlupa na ganap na nabakunahan ay nasa 524,527, o 118.53 porsyento ng target na populasyon at 94.48 porsyento ng kabuuang populasyon.
Sa 12 hanggang 17 taong gulang sa lungsod, 43,850 ang ganap na nabakunahan, o 77.61 porsiyento ng kabuuang populasyon na 56,499 para sa nabanggit na pangkat ng edad. Ang mga tumanggap na ng unang booster dose sa kanila ay umabot sa 6,212.
Ang ganap na nabakunahan sa pagitan ng lima hanggang 11 taong gulang ay may kabuuang 20,215, o 29.64 porsiyento ng kabuuang populasyon na 68,198.
Ang pamahalaang Lungsod ng Muntinlupa ay nagpapatuloy sa programang “Sa Booster Pinaslakas” ng Department of Health.
Layunin nitong pataasin ang coverage ng booster shots sa 50 porsiyento ng kabuuang target na populasyon at mabakunahan ang 90 porsiyento ng mga senior citizen sa buong bansa bago ang Oktubre 8, na minarkahan ang unang 100 araw ni Pangulong Ferdinand Marcos Jr.
Hinimok ni Muntinlupa Mayor Ruffy Biazon ang publiko na magpabakuna bilang proteksyon laban sa malalang sintomas ng Covid-19.
Jonathan Hicap
