Nagpahayag ng suporta ang Department of Health (DOH) sa patuloy na pagpapatibay ng work-from-home scheme dahil makakatulong ito sa pagpapababa ng hawaan ng Covid-19 at iba pang sakit.
“We agree to this. Marami na pong pag aaral all over the world ang lumabas na marami ang nag benepisyo sa mga work from home arrangement,” ani DOH Officer-in-Charge Maria Rosario Vergeire sa isang press briefing noong Biyernes.
“Hindi lang po benepisyo ng ating mga businesses or benepisyo ng ating mga employers pero benepisyo individually,” dagdag niya.
Sinabi ni Vergeire na ang work-from-home scheme ay maaaring makatulong na maiwasan ang pagkalat ng mga virus.
VP Sara sinabing si Romualdez ang gustong pumatay sa kaniya
“Work from home will help us not just during this Covid-19 situation but also for the other diseases as well because we know that more interaction, there is more transmission of diseases,” aniya.
This will also prevent further transmission of Covid-19. And not just Covid-19 but other diseases," dagdag niya.
Bukod dito, ang pagtatrabaho sa malayo ay maaari ding mapabuti ang balanse sa trabaho-buhay ng mga empleyado, ani Vergeire.
“Lumalabas po sa mga pag-aaral ngayon na itong work from home arrangements have helped our individuals who do this na magkaroon ng mas balansementally, physically, and they have more drive to work,” ani Vergeire.
“So, kung kaya naman pong magtrabaho sa ating pong mga empleyado at pinapayagan naman at ito naman po ay makakapagdeliver ng same output as what they have when they are physically present, the DOH is all for this,” she added.
Noong Setyembre 9, ang Department of Finance (DOF) ay naglabas ng isang memorandum na "pansamantalang nagpapalawig sa umiiral na work-from-home arrangement para sa Information Technology and Business Process Management (IT-BPM) enterprises."
Sinabi ni DOF Secretary Benjamin Diokno, sa isang pahayag, na "itinuring na kinakailangan" na panatilihin ang 70 porsyento na on-site at 30 porsyento na work from home arrangement "hanggang sa karagdagang abiso mula sa FIRB (Fiscal Incentives Review Board)."
Analou de Vera
