₱1.74B, ire-remit ng PCSO para sa UHC program ng gov't

By Balita Online

September 09, 2022

In BALITA National

Nakatakdang i-remit ng Philippine Charity Sweepstakes Office (PCSO) ang ₱1.74 bilyong bahagi ng kinita nito para masuportahan ang Universal Health Care (UHC) program ng pamahalaan.

Isasagawa ang hakbang sa Setyembre 13 na kaarawan naman ni Pangulong Ferdinand Marcos, Jr..

Sinabi naman ni PCSO general manager Mel Robles, napirmahan na niya ang tsekeng nagkakahalaga ng ₱1,741,645,797 na ididiretso sa Bureau of Treasury (BTr).

“We hope to make President Marcos’s birthday celebration even more meaningful. Providing better, affordable, and accessible health services to all Filipinos ranks high in the president’s platform of governance,” ani Robles.

Aniya, ang nasabing halaga ay bahagi ng kontribusyon ng PCSO sa UHCP upang mapakinabangan ito ng bawat Pinoy sa pamamagitan ng National Health Insurance Program.

Mangangasiwa sa implementasyon ng programa ang Philippine Health Insurance Corporation (PhilHealth).

Ang naturang hakbang ng PCSO ay alinsunod sa Republic Act 11223 (UHC Act) kung saan iniuutos sa ahensya na maglalaan ng 40 porsyento ng kanilang charity fund upang masuportahan ang programa.

PNA

Pimentel suportado bill ni Padilla para sa proper burial ng Pilipinong Muslim, Indigenous Peoples, atbp.

Sinusuportahan ni Senate Minority Leader Aquilino “Koko” Pimentel III ang isinusulong na Senate Bill No. 1273, na sponsor ni Senador Robin Padilla, na kumikilala sa maayos at tamang paglilibing sa mga Pilipinong Muslim, Indigenous Peoples, at iba pang denominations, lalo na sa mga pampublikong sementeryo o libingan.Ayon kay Pimentel, may ilang mga suhestyon siya para sa improvement ng...

Veteran British actress Maggie Smith, pumanaw na

Sa edad na 89, pumanaw na ang veteran British actress na si Maggie Smith, kilala sa kaniyang pagganap sa Harry Potter films at Downton Abbey series, nitong Biyernes, Setyembre 27. Sa isang pahayag ng kaniyang mga anak na sina Toby Stephens at Chris Larkin, ibinahagi nilang pumanaw si Maggie sa ospital nitong Biyernes ng umaga.'It is with great sadness we have to announce the death of Dame...

Ilocos Sur, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Ilocos Sur dakong 9:12 ng gabi nitong Biyernes, Setyembre 27.Sa tala ng Philippine Institute of Volcanology and Seismology (Phivolcs), tectonic ang pinagmulan ng lindol.Namataan ang epicenter nito 57 kilometro ang layo sa timog-kanluran ng Caoayan, Ilocos Sur, na may lalim na 10 kilometro.Wala namang inaasahan ang Phivolcs na posibleng...