Hindi na nakapalag sa mga awtoridad ang isang barangay kagawad nang salakayin ang kanyang bahay sa Baguio City nitong Huwebes, Setyembre 1.
Sa report na natanggap niPolice RegionalOffice-CordilleradirectorBrig. Gen. Mafelino Bazar,kinilala ang nadakip na si Francis Carpio Dagson, 57, at kagawad at taga-Irisan, Baguio City.
Inaresto si Dagson matapos salakayin ng mga tauhan ng Baguio City Police Office at Philippine Drug Enforcement Agency (PDEA)-Cordillera ang kanyang bahay nitong Huwebes ng umaga.
Si Dagson ay nasa listahan ng PDEA bilang High-Value Individual (HVI) na pinaniniwalaang supplier at protector ng isang drug den na sinalakay din sa nasabing lugar nitong Agosto 2.
64-anyos, natagpuang patay sa dalampasigan sa Samar
Narekober ng mga awtoridad sa bahay ng suspek ang pitong plastic sachet ng shabu na nagkakahalaga ng₱88,400.00 at isang digital weighing scale.
Inihahanda na ng PDEA ang kasong paglabag sa Republic Act 9165 o Comprehensive Dangerous Drugs Act of 2002 laban sa suspek.
