Usap-usapan ngayon sa social media na wala raw appointment si dating Vice President Leni Robredo kay DSWD Secretary Erwin Tulfo nang mag-courtesy call ito sa kalihim noong Agosto 26, 2022. Gayunman, pinabulaanan ito ng dating bise presidente.
Kumakalat umano sa Twitter ang isang screenshot na kung saan makikita ang pahayag ni Mark Lopez na itinuweet ng isang netizen hinggil sa naging courtesy call ni Robredo kay Tulfo.
Makikita ang orihinal na pahayag ni Lopez sa kanyang Facebook post noong Agosto 27.
"Ok, so here is the supposed back story of the MADUMB visit to DSWD, as relayed by sources from DSWD mismo na super dismayed dito sa incident. It appears that MADUMB sashayed into the DSWD unannounced and without appointment!" saad ni Lopez.
Dalawang Tulfo brothers, nanguna sa survey ng senatorial race
"Mukhang may dilawan insider from within na nag timbre kay MADUMB na andun si Secretary Erwin Tulfo. So nagpunta, and dere derecho daw sa office ni Secretary, who was caught off guard and cornered," dagdag pa niya.
Sinabi rin nito na may bitbit na photographer si Robredo.
"And true to form, may bitbit na photographer si Madumb who shamelessly clicked away the moment na Secretary Tulfo appeared. Grabe, is she really this thick-faced and so brazen? As in walang appointment? Kapalmuks talaga," patutsada pa ni Lopez.
Samantala, pinabulaanan ng dating bise presidente na ngayo'y 'Angat Buhay' chairperson ang naturang isyu.
"The truth: We wrote a formal letter addressed to Secretary Tulfo requesting for a courtesy visit. The OSEC staff got in touch with us and gave us a schedule. I went with Angat Buhay ED Raffy Magno. Not one photographer from us," saad ni Robredo sa isang tweet.
"The only photographer present was the DSWD photographer. We just shared Sec Erwin Tulfo’s facebook post. Stop spreading fake news," dagdag pa niya.
Matatandaan na noong Agosto 26, nag-courtesy call si Robredo kay Tulfo kasama ang ilang opisyal ng Angat Buhay.
"We met with DSWD Secretary Erwin Tulfo today to present the programs of Angat Buhay and to explore possible areas of collaboration," saad niya sa isang Facebook post.
"We look forward to working with the Department of Social Welfare and Development in uplifting the lives of our fellow Filipinos," dagdag pa niya.
