Pinag-usapan sa social media at talaga namang tinutukan ng mga manonood ang "Pambansang Pagtatapos" ng tinaguriang "longest-running teleserye" sa Philippine television na "FPJ's Ang Probinsyano" at marami rin ang nag-aabang kung ano ang susunod na magiging proyekto ng bida at direktor nitong si Coco Martin.

Basahin: https://balita.net.ph/2022/08/13/first-lady-shawie-tribute-kay-susan-pagbulaga-ni-julia-mga-eksena-sa-finale-ng-fpjs-ang-probinsyano/">https://balita.net.ph/2022/08/13/first-lady-shawie-tribute-kay-susan-pagbulaga-ni-julia-mga-eksena-sa-finale-ng-fpjs-ang-probinsyano/

May mga lumulutang na espekulasyong isa na namang remake ng pelikula ni Da King Fernando Poe, Jr. ang nakalinyang proyekto ni Coco, subalit nanggaling na mismo sa aktor-direktor na wala pa silang napag-uusapan ng ABS-CBN bosses tungkol dito.

Si Megastar Sharon Cuneta naman na naging bahagi rin ng cast bilang si Aurora, aminadong humirit kay Coco na sana raw ay magawan ng book 2 o kahit special episode ang love story ni Cardo Dalisay; tutal naman daw ay buhay pa ang mga karakter nila ni Mara (Julia Montes) at President Oscar Hidalgo (Rowell Santiago).

Teleserye
Buong produksiyon ng 'Batang Quiapo,' pina-drug test ni Coco

Buong produksiyon ng 'Batang Quiapo,' pina-drug test ni Coco

"Hidalgo family.❤️ Tinext ko ang anak kong boss namin na si @cocomartin_ph kahapon. Sabi ko gawa kami special episode kasi bitin loveteam nila ni Mara at pagkikita ng pamilya nila Oscar, Aurora at Mara!" pahayag ng Megastar sa kaniyang Instagram post noong Agosto 18.

Ngunit ang reaksiyon ni Coco---natawa lamang daw ito. Aminado naman kasi si Shawie na maging siya ay nabitin sa naunsyaming kuwento ng pag-iibigan nina Cardo at Mara.

"Natawa lang anak ko at miss na daw nila ako 😂😂😂. Eh kasi sabi ko dami nabitin lalo na ako! ❤️🥰 ."

Pahabol pa niya, "Coco anak, basahin mo comments sabi sayo bitin sila eh!"

Sa comment section naman ng kaniyang IG post ay bumaha nga ng mga komento, na nais nilang makita ang mga nangyari sa buhay nina Oscar at Aurora, Cardo at Mara.

"Hindi rin na-explain kung paano nabuhay si Mara, maganda mapakita na nag-reunite na si Mara sa parents niya na sina Oscar at Aurora, sana nga may Book 2 Ang Probinsyano."

"Yessss please!!! Would love see that!!! O kaya alternate ending yung buhay ang Task Force Agila!"

"Yes super bitin po… sana next 'Ang Pagbabalik ng Probinsyano…"

Sa kabilang banda, may mga nagmungkahing gumawa na lamang sila ng pelikula o kaya naman ay sitcom.