Dead on the spot ang isang security guard nang bumangga sa isang nakaparadang trailer truck ang sinasakyang motorsiklo sa Tondo, Manila nitong Sabado ng madaling araw.
Ang biktima ay kinilalang si Clarence Arteta, 44, at residente ng 44 Woodcraft St., Baesa, Caloocan City.
Nasa kustodiya naman ng pulisya ang authorized driver ng truck na si Felix Concepcion, 57, ng Bgry. Bulihan, Famy, Laguna.
Batay sa ulat ni PCpl Genesis Flagne, ng Vehicle Traffic Investigation Section (VTIS) ng Manila District Traffic Enforcement Unit (MDTEU), nabatid na dakong alas-2:05 ng madaling araw nang maganap ang aksidente sa northbound lane ng Mel Lopez Blvd., sa Tondo, tabi ng Bldg. 9, Katuparan, Vitas.
50.78% examinees, pasado sa Nov. 2024 Licensure Exam for Agriculturists
Nauna rito, lulan ang biktima ng kanyang Yamaha Mio i125 at binabagtas ang northbound lane ng naturang boulevard, nang pagsapit sa naturang lugar, ay bigla na lang umano nitong mabangga ang hulihang bahagi ng isang Fuso tractor head na may trailer at may plakang CAZ 3993, na nakaparada sa naturang lugar.
Dahil sa tindi ng impact nang pagkakabangga ay tumilapon ang biktima sa sementadong kalsada at nagtamo ng matinding pinsala sa ulo at katawan, na agaran niyang ikinamatay.
