Tatlong araw bago ang opisyal na pagsisimula ng School Year 2022-2022 sa Agosto 22, umabot na sa mahigit 27 milyon na estudyante ang naka-enroll na, ayon sa Department of Education (DepEd).
Batay sa huling datos mula sa Learner Information System (LIS) nitong Agosto 19, umabot na sa kabuuang 27,158,578 na estudyante ang nakapag-enroll na sa darating na School Year 2022-2023.
Pinakamarami pa rin ang enrollees sa Region 4A (Calabarzon) na umabot na sa 3,709,599; sumunod ang Region 3 (Central Luzon) na may 2,810,330 at sa National Capital Region (NCR) naman ay may 2,669,618.
Pinakakaunti naman ang enrollees sa Cordillera Administrative Region (CAR) na nasa 465,389 pa lamang.
Ex-Pres. Rodrigo Duterte, tatakbong mayor sa Davao City; ayaw tumakbong senador?
Matatandaang Hulyo 25 nang simulan ng DepEd ang enrollment period at magtatapos ito sa Agosto 22, na siya ring unang araw ng klase sa bansa.
