Patok na patok sa mga netizen ang bawat naughty post sa social media ng isa sa mga Hashtag member dati ng noontime show na "It's Showtime" na si Nikko Natividad.
Sa katunayan, ang pangalan mismo ng kaniyang mga social media accounts ay "NikkoDAKS". Ang daks ay balbal ng salitang "malaki" na na-associate na pang-uri para kay "Kumpareng Manoy".
Basahin: https://balita.net.ph/2021/08/31/ang-kalat-hashtag-nikko-trending-dahil-sa-mga-tweets-at-ig-posts-daks-po-ako-promise/">https://balita.net.ph/2021/08/31/ang-kalat-hashtag-nikko-trending-dahil-sa-mga-tweets-at-ig-posts-daks-po-ako-promise/
At ang recent post nga ni Nikko ngayon ay ang pagbibiro niya sa kapwa Hashtag member at kaibigang si McCoy De Leon, matapos niyang gayahin ang pose nito suot ang sexy yellow bikini ng partner nitong si Elisse Joson.
Baka siya pa mapasama: Mon Confiado, iniurong kaso laban sa content creator
"mccoydeleon mamili ka? Kunwari lasing na lasing na kame ni @elissejosonn . Baket AKO ang iuuwi mo? 💦🍆🔥🍑" birong caption ni Nikko. Todo-posing naman ang married actor kagaya kay Elisse. Effort din ito sa pagsusuot ng yellow bikini.
Napansin naman ito ni McCoy at tumugon dito.
"Ikaw sana kaso nakita ko may nakatayong tissue," hirit nito.
"@mccoydeleon ayaw mo nun. Pwede tayo mag role playing. Kunwari starwars," sagot naman ni Nikko.
Mismong si Elisse na ginawa niya ay nabulabog din at hindi napigilang mapakomento.
"Gusto ko magsalita ng masasamang words Nikko!!!!!!!!"
"Hahahahahaha," aliw naman na sabi ni Elisse.
"@elissejosonn Ay go girl!!! Pasalamat ka beer pa iniinum ko dyan," pabirong sagot naman ni Nikko.
Sa panibagong Instagram post ni Nikko nitong Agosto 6, ibinahagi naman niya ang litrato kung paano daw "maglandi" sa asawa.
"Pano mag landi?" caption niya.
Mababasa sa note na ibinahagi niya ang ganito: "I (heart) you! Tulog nako ha! Wala akong suot na brief. Ikaw na bahala. Love: Nikko."
Malapit nang ipagdiwang nina Nikko at misis niyang si Cielo Eusebio ang kanilang unang wedding anniversary sa Nobyembre 3, 2022. Ikinasal sila sa pamamagitan ng garden wedding sa isang napakagandang lugar sa Nasugbu, Batangas.
Basahin: https://balita.net.ph/2021/11/03/hashtags-member-nikko-natividad-at-partner-na-si-cielo-ikinasal-na/">https://balita.net.ph/2021/11/03/hashtags-member-nikko-natividad-at-partner-na-si-cielo-ikinasal-na/
