Matapos umano ang tagumpay ng "Maid in Malacañang" sa takilya, inihahanda na umano ni Darryl Yap ang second installment o sequel nito, ayon sa panayam sa kaniya ni Coach Jarret noong Agosto 5, 2022.
Sa naganap na presscon para sa MiM ay nabanggit na trilogy pala ang pelikulang ito: ang susunod daw ay MoM o "Maytyr or Murderer" at ang huling installment daw ay "MaM o "Mabuhay Aloha Mabuhay" na iikot sa naging buhay ng mga Marcoses sa Hawaii.
Iikot daw ang sequel sa mabigat na paratang sa pamilya Marcos kaugnay ng asasinasyon kay dating Senador Ninoy Aquino sa dating Manila International Airport, kaya naipangalan dito ang naturang paliparan.
Hanggang sa kasalukuyan, wala pa ring malinaw kung sino nga ba ang mastermind sa naturang pagpaslang.
'Sky is the limit daw!' Madir na si Jackie, aprub kay Kyline para kay Kobe?
It’s one of the heaviest accusations that they ever received---that they have killed Ninoy Aquino that time. And I want to present why the people should believe them that it’s not them," paliwanag ni Yap.
“I will start by asking about the film, if your father died, if your husband died, there should be a fire within you to solve it, as a good son and a good wife."
“So why is it until now, that the mother or the wife, is now gone, the son is also gone, the justice for the father is not yet given?"
Kapag pumayag na raw ang napipisil niyang aktor na gaganap na Ninoy, agad daw nila itong ipo-post sa social media. Hindi naman nagbigay ng clue si Yap kung sino ang aktor o mga aktor na kasama sa listahan ng pinagpipilian nila.
Ngunit sa Facebook post ng VinCentiments noong Agosto 6 ay makikita ang isang tila painting ng posibleng aktor na gaganap bilang si dating Senador Ninoy. Dalawang aktor ang lumutang: Sina Philip 'Ipe' Salvador at dating mayor ng Quezon City na si Herbert 'Bistek' Bautista, na parehong malapit kay Queen of All Media Kris Aquino, na anak nina Ninoy at Cory.
"As the pinks of cinema prepares for an answer to #MiM DARRYL YAP GEARS FOR THE #MoM" saad sa caption ng FB post.
May mga netizen naman ang nagsambing malakas na sampal ito kay Kris, dahil si Ipe ang ama ng anak niyang si Joshua Aquino.
Si Bistek naman ay naging "special friend" niya at lumutang ang alingasngas na muntik na silang maging mag-jowa noon.
May mga nagbiro naman, na pupuwede rin ang dating senador na si Bam Aquino dahil halos magkalapit ang hitsura nito.
Samantala, wala pang kumpirmasyon mula sa kampo ni Yap kung sino ba talaga ang aktor na gaganap bilang Ninoy.
