ARITAO, Nueva Vizcaya -- Idineklarang dead on arrival ang isang konduktor ng provincial bus habang walong iba pa ang sugatan sa isang road accident sa kahabaan ng Maharlika Highway, Purok 6, Brgy Bone South, Aritao, Lunes ng hapon.
Sa ulat ng Nueva Vizcaya Police Provincial Office, dakong alas-3:30 ng hapon nang mangyari ang aksidente na kinasangkutan ng Hino Trailer Truck, na may trailer bed No. AUA 8299 at Victory Bus Liner na may plate No NBD 1466.
Ang konduktor ng Victory Liner ay kinilalang si Clifford Coronel Adaro na idineklarang dead on arrival ni Dr. Van Jasper Bautista, Municipal Health Office (MHO) Aritao.
Habang ang driver ng Victory bus na si Armando Bautista ,58 , residente ng Purok 2, Brgy. Salvacion, Rosales, Pangasinan ay lumalaban para sa kaniyang buhay sa isang ospital.
Tinatayang 132,000 pamilya, lumikas sa Eastern Visayas dahil sa super typhoon Pepito
Nakilala ang iba pang pasaherong may minor injuries na sina Abraham Siganay, 74, retiradong pari, ng Nueva Vizcaya; Mila Simon, 62, isang nars, at residente ng San Manuel, Isabela; Samantha Manzano, 24 ng P. Bantug, ICU, Isabela; Princesita, 2 taong-ulang, Prince John, 1 taong-gulang at Christine Garcia, 36, residente ng Purok Linglingay, Alicia, Isabela na pawang dinala sa RHU, Aritao para sa karampatang gamutan.
Ang ilan ay pinauwi noong Lunes ng gabi.
Sinabi ni Police Executive Master Sergeant Allan Jalmasco, investigator-on-case, na bago ang insidente, binabaybay ng Victory Liner ang timog (Maynila) nang aksidenteng tumagilid ng driver ang Hino Trailer truck na nakaparada sa outer lane ng nasabing highway gamit ang hazard.
Dahil sa lakas ng mpact, bumaliktad ang head tractor at naabot din ang helper nito na naglilinis noon sa trailer bed na kinilalang si Ever Legada , 37, residente ng Bayombong, Nueva Vizcaya.
Parehong napinsala ang dalawang sasakyan sa hindi pa ring natutukoy na halaga.
