Nais ng hepe ng Philippine National Police (PNP) na si Gen. Rodolfo Azurin Jr. na mabigyan ng karampatang parusa ang mga sasakyang pandagat na mapapatunayang sangkot sa pagdadala ng ilegal na droga sa bansa dahil karamihan ng narcotics ay pumapasok sa Pilipinas sa pamamagitan ng dagat.
“We need to identify ano yung mga ginagamit na mode na pag-transport so that ipatanggal natin yung kanilang license na makapasok sa bansa natin or kumpiskahin natin sila kasi hindi naman yung lalangoy na darating na lang yung droga sa atin. Sabi ko nga definitely by air and by sea and obviously ang titingnan natin dito karamihan ng pumapasok na kontrabando dito sa atin is galing sa dagat dahil very weak ang ating border control and security,” ani Azurin
Si Azurin ang itinalaga ni Pangulong Ferdinand Marcos Jr. bilang bagong hepe ng PNP.
Aniya, makipag-ugnayan rin ang PNP sa iba pang ahensya ng gobyerno para bawasan, kung hindi man tuluyang maalis ang mga pagkakataon kung saan ang bansa ay nagsisilbing market o transshipment point para sa ilegal na droga.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Nangako si Azurin na palalakasin ang pakikipagtulungan sa Philippine Navy, Philippine Coast Guard at Bureau of Customs, at iba pang ahensya ng gobyerno para tumulong sa pagsusulong ng war on drugs.
Samantala, nangako siya na ipagpapatuloy ang laban kontra iligal na droga ng gobyerno sa suporta ng komunidad.
“Ang approach is we continue yung ating programa but this time pag-aralan natin na katuwang natin ang bawat komunidad sa barangay. I always believe that the barangay leaders, kilala nila kung sino yung mga constituents nila so kailangan we communicate with them and then, if there is a need for those affected by drugs in the community to undergo rehabilitation, we will do it. Pagkatapos ng lahat, mayroon kaming mga pasilidad sa rehabilitasyon ng droga na magagamit," saad ni Azurin.
Inatasan din niya ang mga kinauukulang yunit ng pulisya na magkaroon ng mas napapanatiling konsepto ng mga operasyon, lalo na sa giyera laban sa droga, mga lokal na komunistang terorista, terorismo, human trafficking, kidnapping for ransom, at iba pang krimen na ginagawa ng mga organisadong grupo ng krimen.
Nauna nang sinabi ni Marcos Jr. na ang pag-iwas sa pag-abuso sa droga at edukasyon at ang pagpapabuti ng mga sentro ng rehabilitasyon ang tututukan ng kampanya ng kanyang administrasyon laban sa droga, gayundin ang pagtiyak na mahatulan ang mga high-value drug personalities.
