Operasyon ng LRT-2, naantala dahil sa nasirang catenary wire

By Mary Ann Santiago

July 31, 2022

In BALITA

Nagpatupad ng provisional service ang Light Rail Transit Line 2 (LRT-2) nitong Linggo ng hapon, bunsod ng nasirang catenary wire.

Batay sa paabiso ng Light Rail Transit Authority (LRTA), dakong ala-1:26 ng hapon nang magpatupad ang LRT-2 ng provisionary service mula sa V.Mapa hanggang Antipolo Station at pabalik dahil na nasirang catenary wire sa pagitan ng Legarda at Pureza eastbound stations.

"Due to a catenary problem between Pureza and Legarda (eastbound), LRT - 2 is still implementing provisionary service. Train service is now available from V. Mapa to Antipolo and vice versa. We are sorry for the inconvenience," anang LRTA.

Kaagad rin naman anilang rumesponde ang engineering at maintenance team para kumpunihin ang sira.

Sa huling paabiso naman ng LRTA dakong alas-3:43 ng hapon ay hindi pa naayos ang isyu.

Tiniyak rin naman ng LRTA na kaagad nilang ibabalik sa normal ang operasyon sa sandaling tuluyang makumpuni ang sira ng catenary wire.

Ang LRT-2 ang siyang nag-uugnay sa Recto, Maynila at Antipolo City sa Rizal.

Vic Rodriguez, pamumunuan ang 'tunay na oposisyon' sa senado

Opisyal nang naghain ng kaniyang kandidatura sa pagkasenador si dating executive secretary Atty. Vic Rodriguez ngayong Martes, Oktubre 8, sa The Manila Hotel Tent City.Sa pagharap ni Rodriguez sa media, sinabi niyang tumugon umano siya sa pakiusap ng Overseas Filipino Workers (OFW) at sa hamon ng Hakbang ng Maisug na pamunuan ang oposisyon.“Sa gitna ng tila nakakabinging katahimikan at...

Vendor, kakandidatong senador; nanawagan ng tulong para sa anak na may rare disease

Emosyunal ang street food vendor na si Nelson Ancajas nang maghain siya ng certificate of candidacy (COC) sa pagkasenador sa darating na 2025 midterm elections.Sa kaniyang pananalita sa harap ng media, inilatag ni Nelson ang platporma niya kung bakit hinangad niyang tumakbo para sa nasabing posisyon.“Alam n’yo kung bakit ako nandito? Kasi para ipakita sa Pilipinas, kay Mr. President, kay DOH...

Alice Guo, hindi na raw tatakbo sa 2025 elections: 'Linisin ko po muna sarili ko'

Hindi na raw muna tatakbo bilang alkalde si dismissed Bamban, Tarlac Mayor Alice Guo sa 2025 midterm elections.Kinumpirma ito mismo ni Guo sa isinasagawang pagdinig sa Senado ngayong Martes, Oktubre 8, huling araw ng paghahain ng certificate of candidacy (COC).Itinanong ni Senador Jinggoy Estrada kay Guo ang patungkol dito matapos lumabas ang balitang tatakbo ulit siyang mayor ng...