Upang maibsan ang pinansiyal na pasanin ng mga lokal na negosyo sa Marikina City sa gitna ng pandemya, nilagdaan ni Mayor Marcelino “Marcy” Teodoro noong Lunes, Hulyo 18, ang isang bagong ordinansa na nagbibigay ng tax amnesty para sa mga may-ari ng negosyo hanggang Disyembre 31, 2022.
Gaya ng nakasaad sa Ordinansa Blg. 64, serye ng 2022, ang mga may-ari ng negosyo ay hindi na kailangang magbayad ng mga multa, surcharge, o interes para sa mga nahuling bayad hanggang sa katapusan ng taon.
Ang ordinansa ay nagsisilbing extension ng dating business tax amnesty policy na ipinatupad ng lokal na pamahalaan noong 2021.
Ang amnestiya para sa mga pagbabayad ng buwis ay unang ipinatupad mula Okt. 13 hanggang Disyembre 31, 2021, at pinalawig mula Peb. 23 hanggang Hunyo 30, 2022.
VP Sara sinabing si Romualdez ang gustong pumatay sa kaniya
Sa inaugural session ng 10th city council noong Hulyo 6, personal na hiniling ni Teodoro na maipasa ang bagong tax amnesty ordinance para ma-akomoda ang mga hindi pa nakakapagbayad ng buo o bahagyang nagbabayad lamang.
Binanggit ng alkalde ang kaluwagan na ibinigay at ibibigay ng amnestiya sa mga small at medium businesses na nakikipagbuno hindi lamang sa Covid-19 pandemic kundi pati na rin sa inflation at pagtaas ng presyo ng mga bilihin.
Inaprubahan ng lokal na pamahalaan ang tax exemptions at insentibo sa iba't ibang sektor sa gitna ng mga kagyat na kondisyon sa pamamagitan ng Local Government Code of 1991 o Republic Act (RA) No. 7160.
Kriscielle Yalao
