Nagsasagawa na ngayon na masusing imbestigasyon ang pulisya kaugnay ng pagkamatay ng isang empleyado ng Malacañang matapos umanong mahulog sa isa sa gusali ng Palasyo nitong Huwebes ng umaga.
Kinilala ng mga awtoridad ang binawian ng buhay na si Mario Castro, nakatalaga sa Information Communications Technology (ICT) Office na pinangangasiwaan ngDeputy Executive Secretary for Finance and Accounting, ayon kay Press Secretary Trixie Cruz-Angeles.
"Ikinalulungkot naming i-announce na si Mr. Mario Castro ay namatay kaninang umaga, apparently from a fall from the fourth floor of theMabini Hall. Ito po ay sa loob ng Malacañang compound,” pahayag ni Cruz-Angeles sa mga mamamahayag.
“Kasalukuyang iniimbestigahan ang kanyang pagkamatay at nagko-coordinate ang PSG (Presidential Security Group) at ang Philippine National Police (PNP) Security Force Unit.May naiwang asawa at mga anak si Mr. Castro. Kami po ay nakikiramay sa kanyang pamilya,pagdidiin ni Cruz-Angeles.
Anak ni Sen. Jinggoy Estrada, ginulpi sa Boracay
Plano na ring tulungan ng Malacañang ang pamilya ni Castro.
"Tinitingnan natin, of course, dahil it happened inside the Malacañang compound at isa siyang empleyado, titingnan natin iyong kanyang ano … iyong possibility na, of course, kahit paano ay mayroon tayong maitulong doon sa kanyang pamilya," ani Cruz-Angeles.
