LAOAG CITY (PNA) – Nalugmok ang isang residente ng Badoc, nitong lalawigan matapos sumiklab ang sunog sa kanilang bahay noong maulan ng gabi ng Martes, Hulyo 12, at sunugin ang lahat ng laman nito, kabilang ang perang iniipon niya para sana sa pagpapa-check up sa mata ng anak.
Sinabi ni Senior Fire Officer 3 Bernard Agcaoili, acting municipal fire marshal ng Bureau of Fire Protection (BFP) ng Badoc, noong Miyerkules, Hulyo 13, na batay sa inisyal na imbestigasyon, ang sunog sa bahay ni Edmar Salvador sa Barangay Canaan ay nag-ugat sa overcharging ng mga mobile phone at hindi bababa sa tatlong rechargeable electric fan sa isa sa mga kuwarto sa bandang 6:15 p.m.
Tinatayang nasa P500,000 ang inisyal na pinsala, kabilang ang P300,000 cash na gagamitin ni Salvador para sa pagpapatingin sa mata ng kanyang 30-anyos na anak.
Walang nasaktan sa insidente dahil natulog si Salvador at ang kanyang pamilya sa bahay ng isang kapitbahay noong gabing iyon.
Atimonan mayor, kinondena pamamaslang sa 10-anyos na batang babae
Dahil gawa sa light materials ang bahay, kumalat ang apoy sa katabing bahay.
Sinabi ni Agcaoili na hindi bababa sa dalawang fire truck mula sa BFP Badoc at Pinili station ang rumesponde. Umabot ng mahigit dalawang oras ang mga bumbero bago naapula ang apoy alas-8:30 ng gabi. Martes.
Pinaalalahanan ng BFP ang publiko na i-double check ang fire safety standards at laging sundin ang basic fire code ng Pilipinas.
Ayon sa BFP, karamihan, kung hindi man lahat, ang mga aksidente sa sunog sa mga pampubliko o pribadong establisyimento ay dahil sa faulty electrical wirings.
