Sumalang kamakailan si Barbie Forteza sa isang legit lie detector test sa YouTube channel ni Bea Alonzo. Ilang rebelasyon naman ang naungkat kaugnay ng relasyon ng aktres sa kapwa Kapuso star na si Jak Roberto.
Hindi syempre pinalagpas ni Bea ang mga juicy na mga tanong ukol sa relasyon ng Kapuso couple na game na game namang sinagot ng 24-anyos na aktres.
Pag-amin ni Barbie, siya ang selosa sa relasyon nila Jak. Sa katunayan, ilang ka-eksena umano ng boyfriend ang napagselosan niya noon.
“Actually hindi ako nagseselos kapag kunwari may mga kissing scenes, mga intimate scenes, kasi eksena,” depensa naman ni Barbie.
Mark Andrew Yulo, naniniwalang babalik sa kanila ang anak na si Carlos
Ibang usapan naman umano kapag inaaya si Jak sa labas ng trabaho na kadalasa’y “all-girls” pa.
Dito sunod na natanong ni Bea ang aktres kung ikinagalit ba nito ang noo’y pag-intriga ng online personality na si Xian Gaza sa kaniyang boyfriend at ang sexy star na si Kim Domingo sa isang Facebook post.
“Napanuod ko siya sa TikTok kasi parang gumagawa sila ng videos na [mula] sa posts sa FB [Facebook]. Ta’s nabasa ko ‘yung pangalan ko, nabasa ko yung pangalan ni Jak at ni Ms. Kim Domingo, pero for some reasons, ini-scroll ko lang, parang trineat ko siya as mga trolls,” saad ni Barbie na ikinatuwa ni Bea.
“Galing! Good attitude,” saad ni Bea.
Kumpiyansa ring sinagot ni Barbie ang huling tanong ni Bea.
“Has Jak Roberto ever cheated on you?” juicy na tanong ni Bea.
Diretsahang saad ni Barbie, “Ay no, no! Ang ganda ko!”
Nang tanungin ni Bea kung may nag-cheat na ba noon kay Barbie, ang pilyang sagot lang ng aktres: “The rest!”
Sa parehong vlog, inamin din ni Barbie na naging sila ng dating Kapuso actor na si Kiko Estrada.
