Tila na-‘back to you’ ang kontrobersiyal na si Ella Cruz matapos gamitin ng online personality na si Xian Gaza ang dati nitong komento sa kaniya ng aktres na ngayo’y naiintriga sa kaniyang pagpilit na “history is like chismis.”
Isang throwback video ang ipinaskil ng tinaguriang “Pambansang Marites na Lalaki” sa gitna ng paninindigan ni Ella sa pagkakahalintulad umano ng chismis o walang basehang kwento o haka-haka sa malalim na pinag-aralang kasaysayan.
Nang masangkot sa ilang kontrobersiya si Xian noong 2017 ay ipinatanggol ni Ella ang ngayo’y sikat na online personality.“Ako naniniwala ako, mabuting tao si Xian. At ‘yung nakikita niyo, overwhelmed lang siya sa mga nangyayari. Yung Xian na nakikita ko ngayon na nagpo-post, hindi yun yong Xian na nakilala ko, na naging business partner ko, na naging kaibigan ko,” saad noon ni Ella sa isang panayam ng midya.
Chloe San Jose, mas pinipiling maging 'authentic' na tao kaysa people-pleaser
Ngayong nahaharap sa parehong atensyon si Ella ay tila na-‘back to you’ ang aktres.
“Ako naniniwala ako, matalinong tao si Ella. At ‘yung nakikita niyo, overwhelmed lang siya sa mga nangyayari. Yung Ella na nakikita ko ngayon na nagpo-post, hindi 'yun yong Ella na nakilala ko, na naging business partner ko, na minahal ko nang sobra,” bersiyon naman ni Xian Gaza sa aktres ngayon.
Nauna nang pinangaralan ni Xian ang dating kaibigan, gamit ang kanilang naging relasyon noon, ukol sa pinagkaiba ng kasaysayan, chismis, at hirtorical revisionism.
