Isa sa mga sorpresang hatid ng partnership ng ABS-CBN at TV5 ang back-to-back airing ng kani-kanilang noontime show na "It's Showtime" at "Lunch Out Loud" o LOL, na dating magkatapat, ngayon ay "magkapamilya" at "magkapatid na."
Mangyayari na raw ang back-to-back airing ngayong Hulyo. Parehong mapapanood ang dalawang noontime show sa dalawang networks, na makakatapat naman ng longest-running noontime show na "Eat Bulaga" na umeere sa GMA Network.
Hindi pa sigurado kung ano ba ang mauuna: kung Showtime ba o LOL, pero ang tiyak niyan, mukhang magre-reunite sa pagpapasaya sa tanghali ang dating magkakasamang sina Billy Crawford, Vice Ganda, at iba pang Showtime hosts. Ang direktor naman ng LOL na si Bobet Vidanes ay siyang dating direktor ng Showtime.
Kamakailan lamang ay napabalita ang 50-50 partnership deal ng ABS-CBN at TV5, subalit nang tanungin si TV5 head Manny V. Pangilinan tungkol dito, sinabi niyang wala pang pinal na desisyon tungkol dito.
Lumabas din ang memorandum tungkol sa blocktime arrangement ng National Telecommunications Commission o NTC kaya sapantaha ng marami, kaya siguro biglang kumambyo ang mga nakaplantsa at napababalitang merger dahil dito.
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
Sa kabilang banda, sa lumabas na station ID ng TV5, makikitang kasali rito ang Kapamilya shows ar artists na napapanood din sa TV5.
Sa Eat Bulaga naman, nadagdag sa regular hosts nito ang dating Kapamilya A-list star na si Maja Salvador, beauty queen MJ Lastimosa, at dating ABS-CBN teen star na si Miles Ocampo, na sa kauna-unahang pagkakataon ay sumabak na rin sa hosting.
Si Maja ay mapapanood pa rin sa TV5 matapos pumirma ng kontrata sa kanila upang muling gumawa ng teleserye. Naging matagumpay kasi ang kauna-unahan niyang teleserye rito na "Niña Niño".
Speaking of Maja, how true na muli siyang mapapanood sa kaniyang dating home network para sa isang proyekto kasama si Jericho Rosales?
