Hinihintay ng Malacañang na personal na ipahayag ni Pangulong Ferdinand “Bongbong” Marcos Jr. ang sagot nito hinggil sa tawag ng mga oposisyon na muling gawing miyembro ng International Criminal Court (ICC) ang Pilipinas.
"Those comments, as in any comment that is in the exercise of freedom of speech are also duly noted. But we’ll wait for the formal policy to be articulated by the President,” pahayag ni Press Secretary Trixie Cruz-Angeles sa isang press briefing ng Palasyo.
Sinabi ng mambabatas ng oposisyon na si Senator Risa Hontiveros na ang Pilipinas ay dapat na muling sumali sa ICC.
"The more we are a member of communities of shared values of human rights, the better," ani Hontiveros.
VP Sara sinabing si Romualdez ang gustong pumatay sa kaniya
Dagdag naman ni dating senador Leila de Lima na ang pagpapanumbalik ng pagiging miyembro ng ICC ay mapapabuti ang imahe ng bansa upang aprotektahan ang mga tao mula sa mga krimen na ginawa ng mga pwersa ng estado.
BASAHIN: De Lima sa Marcos admin: Restore PH membership in the ICC
Nanindigan si De Lima, isang kilalang social justice and human rights champion dito sa at ibang bansa, na ang pagiging miyembro ng bansa sa ICC ay magpapalakas ng depensa nito laban sa mga pang-aabuso sa karapatang pantao at impunity, at magdadala ng positibong epekto sa imahe ng bansa.
“Apart from cooperating with the ICC’s probe into the Philippines’ situation relative to the Duterte regime’s drug war killings, one concrete way to honor the ICC as it marks its 20th anniversary is for the new government to restore its ICC membership,” ani De Lima.
Matatandaan na noong Marso 2018, iniutos ni dating Pangulong Rodrigo Duterte ang pag-alis ng Pilipinas sa Rome Statute ilang linggo lamang matapos ipahayag ng dating ICC chief prosecutor na si Fatou Bensouda na ang paunang pagsusuri ay isinasagawa sa kontrobersyal na pagsugpo sa ilegal na droga ng administrasyon.
Opisyal na pinutol ng Pilipinas ang ugnayan sa ICC noong Marso 17, 2019, eksaktong isang taon pagkatapos ng pagbawi ng Rome Statute.
Paulit-ulit na pinangatwiran ni Duterte na ang Rome Statute, na lumikha ng ICC, ay tinukoy na ang ICC ay maaari lamang mag-prosecute ng mga naturang reklamo kung ang member-nation ay walang gumaganang judicial system o tumanggi ang gobyerno na usigin ang mga naturang krimen.
Noong Setyembre 2021, pormal na naglunsad ng imbestigasyon ang ICC sa kampanya kontra-narcotics ng gobyerno.
Ngunit noong Nobyembre ng parehong taon, hiniling ng gobyerno sa ICC na ipagpaliban ang imbestigasyon nito dahil tinitingnan na ng administrasyon ang mga alegasyon.
Noong nakaraan, sinabi ni Marcos na ipagpapatuloy niya ang digmaang droga ng administrasyong Duterte nang may parehong lakas, ngunit tututukan ang pag-iwas sa pamamagitan ng pagtuturo sa mga kabataan tungkol sa masamang epekto ng droga at pagpapabuti ng mga rehabilitation center.
Sa Enero, sinabi niyang papayagan niya ang mga miyembro ng ICC na pumunta sa bansa, ngunit bilang mga turista lamang at hindi bilang mga imbestigador.
Sinabi niya na ang bansa ay mayroon nang "functioning judiciary" at may kakayahang magsagawa ng mga imbestigasyon mismo.
