Isang retiradong miyembro ng United States (US) Navy ang nagkabit ng mga solar street lights sa mga kapitbahay nito sa Cabanatuan City, Nueva Ecija kamakailan
Paliwanag ni Edgardo Benedicto, 62, umpisa pa lang ito ng kanyang pagtulong sa mga kapitbahay nito sa Sitio Boundary, Barangay Caalibangbangan upang tulurandin ito sa ibang lugar.
Si Benedicto na isang Filipino-American, ay kauuwi pa lang sa Pilipinas noong Hunyo 22, kasama ang kanyang pamilya mula sa paninirahan sa Virginia, USA.
"Ito ay bahagi lamang ng simpleng pagtulong sa mga nangangailangan upang gayahin din sa iba pang mga lugar sa ating bansa," dahilan ni Benedicto.
Matatandaang kahit nasa Amerika pa ang pamilya ni Benedicto sa kasagsagan ng coronavirus disease 2019 noong 2020, halos linggu-linggo pa ring nagbibigay ng ayuda ang mga ito sa Sitio Boundary, sa tulong na rin ng kanilang kamag-anak.
