DAVAO CITY – Inaresto ng pulisya ang isang doktor na umano'y bumaril at pumatay sa isang 21-anyos na estudyante sa mainit na alitan sa isang bar sa lungsod, Sabado, Hulyo 2.
Kinilala ng Davao City Police Office (DCPO) ang suspek na si Dr. Marvin Rey Andrew R. Pepino, non-uniformed personnel ng Police Regional Office (PRO)-Davao Region at residente ng Bajada, nitong lungsod.
Lumabas sa imbestigasyon na si Police Corporal Ropel Gersalino ng San Pedro Police Station ay nakatanggap ng ulat dakong ala-1 ng madaling araw ng kaguluhan sa pagitan ng dalawang grupo ng mga lalaki na pinaniniwalaang nasa ilalim ng impluwensya ng alak sa loob ng Lugar Bar sa Esquena de Tavera Building sa kanto ng V Mapa at J. Camus Extension St.
Sinabi ng DCPO na agad na tinangka ni Gersalino na patahimikin ang mga nag-aaway na partido pagdating sa bar upang maiwasan ang gulo dahil umano'y mas may laban ang grupo ng biktimang si Amir P. Mangacop, estudyante, ng Barangay 19-B dito. .
OFW na hinoldap, inundayan ng saksak sa terminal sa Maynila, nakauwi na ba sa pamilya?
Hindi pinansin ng grupo ni Mangacop si Gersalino at inatake si Pepino, na nagtulak sa suspek na ipagtanggol ang sarili gamit ang kaniyang baril. Nagpaputok ng ilang beses si Pepino na tumama sa biktima dahilan para agad na dalhin ito sa Davao Doctors Hospital kung saan idineklara itong dead on arrival.
Narekober ng mga imbestigador ng pulisya ang isang 9mm Glock 43 na may magazine at anim na 9mm fired cartridge sa pinangyarihan.
