Ang patuloy na pagtaas ng presyo ng langis at ang epekto nito sa mga rate ng kuryente ay inaasahang magtutulak pangunahin sa Hunyo 2022 na domestic inflation rate sa pagitan ng 5.7 porsiyento hanggang 6.5 porsiyento.
Sa isang pahayag, sinabi ng Bangko Sentral ng Pilipinas (BSP) na ang mas mataas na presyo ng mga pangunahing pagkain at pagbaba ng halaga ng piso ay kabilang din sa mga inflationary pressure sa buwan.
Ang mga salik na ito, gayunpaman, ay nakikitang sinasalungat ng mas mababang presyo ng liquified petroleum gas (LPG) at isda, anang BSP.
Dagdag pa ng BSP, patuloy nitong susubaybayan sa hinaharap ang pagtaas ng presyo upang bigyang-daan ang napapanahong interbensyon.
50.78% examinees, pasado sa Nov. 2024 Licensure Exam for Agriculturists
"Looking ahead, the BSP will continue to closely monitor emerging price developments to enable timely intervention to arrest emergence of further second-round effects, consistent with BSP’s mandate of price and financial stability," pahayag ng BSP.
Ang saklaw ng inaasahang inflation rate para sa buwang ito ay mas mataas kaysa sa 5.4 porsiyento noong Mayo, na siya namang ikalawang magkakasunod na buwan na ang rate ng pagtaas ng presyo ay lumampas sa dalawa hanggang apat na porsiyentong target band ng gobyerno.
Ang average na inflation sa unang limang buwan sa taong ito ay nasa 4.1 porsyento.
Binago ng mga awtoridad sa pananalapi ang average na inflation forecast ng sentral na bangko para dito at sa susunod na taon sa 5 porsiyento at 4.2 porsiyento, ayon sa pagkakabanggit.
Ang mga ito ay dating nasa 4.6 porsiyento para sa 2022 at 3.9 porsiyento para sa 2023.
