Magpapatupad ang mga kumpanya ng langis sa bansa sa pangunguna ng Pilipinas Shell ng dagdag-presyo sa kanilang produktong petrolyo sa Martes, Hunyo 28.
Sa anunsyo ng Shell, dakong 6:00 ng umaga ng Martes magtataas ito ng ₱1.65 sa presyo ng kada litro ng diesel, ₱0.50 sa presyo ng gasolina at ₱0.10 naman sa presyo ng kerosene.
Sinundan ito agad ng Seaoil at CleanFuel na magpapatupad ng kaparehong dagdag-presyo sa kanilang petrolyo.
Ito ay bunsod pa rin ng paggalaw ng presyuhan ng langis sa pandaigdigang merkado at epekto ng digmaan ng Russia at Ukraine.
National
