Hinihintay pa ng Land Transportation Franchising and Regulatory Board (LTFRB) ang pagsisimula ng administrasyon ni President-elect Ferdinand Marcos, Jr. bago ipamahagi ang second tranche ng fuel subsidy para sa mga driver at operator ng public utility vehicle (PUV).
Sa isinagawang Laging Handa briefing nitong Miyerkules, nilinaw ni LTFRB executive director Maria Kristina Cassion na handa na sila sa pamamahagi ng subsidiya. Gayunman, nakasalalay pa rin umano ito sa polisiya ng susunod na administrasyon.
“We do not want to preemptpo kasiof the incoming administration of President Marcoskung ano po iyong kanilang mga programa at polisiya,when it comes to theayudafor the transportation sector," sabi ni Cassion.
Nakahanda aniya ang ahensya na sundin ang polisiya at direktiba ni Marcos.
Mayoral bet, pumalag sa isyu ng driver niyang dinakip dahil sa 'food packs'
“Rest assurednaman po sa naririnig natin kay incomingPresident Marcosna iyongtransportationay isa raw sa tututukan ng kanyang administrasyon," aniya.
Kumpleto na rin aniya ng listahan ng mga benepisyaryo ng programa ang LTFRB,Department of Trade and Industry (DTI), at Department of the Interior and Local Government (DILG).
“If in casepo na ire-releasepo nila iyongsecond tranche,wala namang pagbabago doon sa mgabeneficiaries,kasi ito naman po talaga angregisteredna mgafranchise ownerspo sa atin," pahayag pa ni Cassion.
Sa nakaraang fuel subsidy program, aabot sa P2.5 bilyon ang hinugot na budget nito sa General Approriations Act of 2022 kung saan napakinabangan ito ng 300,000 driver at operator.
PNA
