CAMP OLIVAS, City of San Fernando, Pampanga – Apat na most wanted person ang inaresto ng mga awtoridad sa isinagawang manhunt operation sa Aurora, Bulacan at Nueva Ecija noong Hunyo 20.
Sa Aurora, inaresto ng mga tauhan ng Baler Police si Johannes Olayrez, 39, residente ng Brgy. Pingit, Baler, Aurora sa bisa ng warrant of arrest para sa Attempted Murder sa ilalim ng Criminal Case Number. 2022-05-7498 na inisyu at nilagdaan ni Hon. Maximo Barroga Ancheta Jr., Presiding Judge RTC Br. 90.
Katulad nito, dalawang top two most wanted persons ang inaresto ng Bulacan police.
Kinilala ang mga ito na sina Richmond Salvador, 24, number 3 most wanted person ng Norzagaray Police, 24 , residente ng Brgy Matictic Norzagaray, Bulacan dahil sa paglabag sa RA 9165 at Christian Roy Esposo, number 8 most wanted person ng Sergio Osmeña Police, Zamboanga Del Norte PNP, 23, at kasalukuyang naninirahan sa Brgy. Muzon, Bulacan dahil sa pagnanakaw.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Sa Nueva Ecija, nagsagawa ng manhunt operation ang pinagsamang tauhan ng Zaragoza Police, Baguio City Police Station 5 Legarda na nagresulta sa pagkakaaresto kay Alexander Gamit, number one most wanted person sa Baguio City Police Office.
Ang 27-anyos na si Gamit, seafarer at residente ng Brgy. Concepcion East, Zaragoza, pinaghahanap dahil sa krimen ng statutory rape.
Ang warrant of arrest laban kay Gamit ay inilabas ni Hon. Modesto Bahul Jr, Presiding Judge, RTC Branch 2, -FC Baguio City.
Pinaghahanap din si Gamit para sa krimeng Sexual Assault in Relation to RA 7610 sa ilalim ng Criminal Case No. 33793-AF. Ang warrant of arrest ay inilabas ni Hon. Sinabi ni Ma. Theresa Opiana Basilio, Presiding Judge Family Court, Third Judicial Region Branch 8, Cabanatuan City, Nueva Ecija.
“The entire Central Luzon Police Force together with other police units continues its intensified campaign to put lawless elements and wanted persons behind bars and maximizes its efforts to eradicate all forms of lawlessness in the region,” sabi ni Police Brigadier General Matthew Baccay, regional director ng Police Regional Office Region 3.
