PH, pinayuhang rebisahin ang vax guidelines sa gitna ng nalalapit na expiration ng mga bakuna-Balita

PH, pinayuhang rebisahin ang vax guidelines sa gitna ng nalalapit na expiration ng mga bakuna

May mga paraan para maiwasan ang pag-aaksaya ng Covid-19 vaccines na malapit nang mag-expire, sabi ng isang health reform advocate nitong Sabado, Hunyo 18.

Isa rito ang rebisyon ng booster vaccination guidelines ng bansa, ani health reform advocate at dating special adviser ng National Task Force (NTF) laban sa Covid-19 na si Dr. Anthony "Tony" Leachon.

“It is time to revise our guidelines in the Philippines! Lots of vaccines to expire, co-morbid conditions around, and with lots of sub-variants!,” said Leachon.

Sa ilalim ng rekomendasyon ng CDC, ang mga nasa hustong gulang na 50 taong gulang at mas matanda, pati na rin ang mga batang may edad na 12 taong gulang at mas matanda na katamtaman o malubhang immunocompromised ay karapat-dapat na makakuha ng pangalawang booster jab.

Samantala, sa Pilipinas, tanging ang mga healthcare worker, mga indibidwal na may edad 60 taong gulang pataas, gayundin ang mga immunocompromised sa ngayon ang pinapayagang mabakunahan ng pangalawang booster dose.

Humigit-kumulang 580,000 indibidwal sa bansa ang nakatanggap ng kanilang pangalawang booster jab noong Hunyo 13, 2022.

Pangalawang jab para sa pangkalahatang populasyon

Sa gitna ng panawagan para sa rebisyon ng mga alituntunin sa bakuna ng bansa, itinutulak din ang pagbibigay ng pangalawang Covid-19 booster jab sa pangkalahatang populasyon.

“Maybe we should really consider [the administration of a second booster to the general population] now with all these uptick [in cases]. Data have shown that booster doses actually expound [our] immune responses against these variants,” saad ni Vaccine Expert Panel (VEP) Chairperson Nina Gloriani sa isang panayam sa ANC, Huwebes, Hunyo 16.

Gayunpaman, sinabi ni DOH Undersecretary Maria Rosario Vergeire, sa isang media forum na ginanap noong Miyerkules, Hunyo 15, na ang second booster shots ay ibibigay lamang sa pangkalahatang populasyon kung ito ay makatanggap ng amended emergency use authorization (EUA) mula sa Philippine Food and Drug Administration. (FDA).

Charlie Mae. F. Abarca

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...