Naging usap-usapan sa social media ang mga kumakalat na malisyosong litrato umano ni Kapuso actor Jeric Gonzales kasama ang isang lalaking tinakpan ang mukha at hindi binanggit ang pagkakakilanlan.
Alam naman ng lahat na ang kasalukuyang jowa ni Jeric ay si beauty queen-turned-actress na si Miss Universe Philippines 2020 Rabiya Mateo, kaya marami ang nagulat sa mga kumakalat na litrato umano niya sa Facebook page na "Isyus", na sinakyan na rin ng iba pang mga FB pages gaya ng "Paraluman".
"Grabe ka na 2022, ano na naman 'to?" saad sa caption ng Facebook page, na habang isinusulat ito, may 11K reactions na at 2.1K shares.
Ibinahagi rin ito sa isang Facebook page na "Paraluman".
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Makikita sa mga kumakalat na litrato na tila may kalambingan at katukaang lalaki si Jeric sa litrato at matchy-matchy sa suot na singsing. Nakapag-screenshot din ang mga netizen ng litrato ni Jeric sa IG na kahalintulad ng relo nito sa relo ng lalaki sa kumakalat at pinag-uusapang mga litrato.
Basahin: https://balita.net.ph/2022/06/13/kumakalat-na-malisyosong-litrato-umano-ni-jeric-gonzales-usap-usapan-anong-sey-ni-rabiya/">https://balita.net.ph/2022/06/13/kumakalat-na-malisyosong-litrato-umano-ni-jeric-gonzales-usap-usapan-anong-sey-ni-rabiya/
Pagtatanggol naman ng mga netizen, huwag kaagad husgahan si Jeric batay sa mga nakikita sa larawan dahil baka screengrab lamang umano ito sa isang proyekto ng aktor, halimbawa ay indie film, lalo na't nauuso na ngayon ang mga temang "Boy Love".
Bagay na pinatotohanan naman ng mga netizen kagaya ng nagngangalang "Euwan Pascual".
"The rumor was a lie. The picture circulating on social media about Jeric Gonzales sexuality was taken last 2020. It was a scene from an indie film. You can take your breakfast now guys and focus more on Skusta Clee. Yun mas legit but Rabiya and Jeric they don’t deserve this," aniya sa tweet nitong Lunes, Hunyo 13.
Makikita naman sa latest Instagram story ng aktor ang video clip nila ni Rabiya, mula sa kanilang late night dinner together. Makikitang tila hinahaplos-haplos ni Rabiya ang chin o baba ni Jeric at nagmuwestra naman ng kiss sa pisngi niya ang aktor at pagdikit ng ilong. Ibinahagi rin ito ni Rabiya sa kaniyang IG story.
Samantala, wala pang tugon, reaksiyon, o pahayag ukol dito si Jeric.
