52 kasapi ng Lakas-CMD, lalong nagpalakas sa partido sa HORs-Balita

52 kasapi ng Lakas-CMD, lalong nagpalakas sa partido sa HORs

Patuloy na nakakakuha ng higit na “lakas” sa House of Representatives ang Lakas-Christian Muslim Democrats (Lakas-CMD).

Mula sa 50 miyembro, 52 na ngayon ang lakas ng Lakas-CMD sa mababang kamara, bagong dagdag sina Bulacan Rep. Salvador “Ador” Pleyto Sr. at Nueva Ecija Rep. Emeng Pascual sa grupo ng partido.

Ang Lakas-CMD President at Leyte 1st district Rep. Martin Romualdez ang nanguna sa oath-taking kina Pleyto at Pascual sa punong-tanggapan ng partido sa Mandaluyong City bandang alas-4 ng hapon, Martes.

“Our partners in our call for unity are growing by the day. This is no surprise since the just-concluded May elections showed everyone that the Filipino people prefer unity right now, with the stake as high as they are in order for our country to fully recover from the COVID-19 pandemic,” anang outgoing majority leader.

Sa parehong kaganapan, siyam na kongresista-miyembro ng Lakas-CMD mula sa Luzon, Visayas, at Mindanao ang pormal na nanumpa ng kanilang seremonyal, dahilan para lalo pang tumatag ang partido.

Kabilang sa mga nanumpa kay Romualdez sina Reps Daphne Lagon (Cebu), David “Jayjay” C. Suarez (Quezon), Emmarie “Lolypop” M. Ouano-Dizon (Mandaue City), Edsel Galeos (Cebu), Arnan C. Panaligan (Oriental Mindoro), Faustino Michael Carlos T. Dy III (Isabela), Steve Solon (Sarangani), Prinsesa Rihan M. Sakaluran (Sultan Kudarat), at Jinky Bitrics Luistro (Batangas.

Sinabi ni Romualdez na ang siyam na mambabatas ay bahagi na ng 52 kasapi ng Lakas sa House of Representatives.

Ang isang kamakailang bugso ng oath-takings ay naging dahilan ng paglobo ng mga miyembro ng Lakas mula 27 hanggang 52.

Si Romualdez ay presidente ng Lakas-CMD, isa sa pinakamatanda at pinakarespetadong partido pulitikal sa bansa. Nauna nang nagpahayag ng tiwala ang ilang tagapamasid na siya ay karapat-dapat na House Speaker sa darating na 19th Congress.

Si Romualdez ay isang abogado mula sa University of the Philippines (UP) at presidente ng Philippine Constitution Association (Philconsa). Nagsilbi rin siya bilang isa sa dalawang campaign manager ni Vice President-elect Sara Duterte noong nakaraang panahon ng halalan.

Naglabas ang Lakas-CMD ng dalawang punong ehekutibo, sina dating Pangulong Fidel V. Ramos at Gloria Macapagal-Arroyo.

Ellson Quismorio

Mga Pinoy na ilegal na naninirahan sa Amerika, binalaan ng PH Ambassador

Nagbigay ng babala si Philippine Ambassador to the United States Jose Manuel 'Babe' Romualdez para sa mga Pilipinong ilegal daw na naninirahan sa Estados Unidos.Sa isang online forum na isinagawa ng Foreign Correspondents Association of the Philippines (FOCAP), nitong Biyernes, Nobyembre 8, 2024, nagbabala si Romualdez sa mga Pinoy na umano’y ilegal na naninirahan sa naturang bansa...

Giit ni Romualdez: Trahedya ng Bagyong Yolanda ‘di na raw dapat maulit

Nagbigay ng mensahe si House Speaker Martin Romualdez nitong Biyernes, Nobyembre 8, 2024 tungkol sa paggunita ng ika-11 anibersaryo ng pananalasa ng bagyong Yolanda sa bansa.KAUGNAY NA BALITA: BALITAnaw: Ang ika-11 taong paggunita sa pagtama ng bagyong YolandaNanawagan si Romualdez ng kooperasyon mula sa publiko hinggil sa climate change. Aniya, dapat daw ay maging alisto ang publiko maging ang...

For the first time! Disyerto sa Saudi Arabia, nakaranas daw ng snow?

Nagkalat sa internet ang ilang larawan ng umano’y pagkakaroon ng snow ng isang disyerto sa Saudi Arabia.Ayon sa ulat ng ilang international media outlets, Nobyembre 3, 2024 pa nang magsimulang mabalot ng nyebe ang disyerto sa Al-Jawf region. Kaugnay nito, naglabas din kamakailan ng pahayag ang National Center of Meteorology (NCM), at sinabing nagyelo raw ang naturang disyerto dahil umano sa...