Inihayag ni Southern Police District Director Brig. Gen. Jimili Macaraeg ang pagkakaaresto ng dalawang drug suspect matapos nakumpiskahan ng ₱3,400,000 na halaga ng pinaghihinalaang shabu sa magkahiwalay na buy-bust operation sa Taguig City at Parañaque City nitong Sabado at Linggo, Hunyo 12.
Ang dalawa ay kinilala ng pulisya na sina Alonto Aminola Kasim, alyas “Alonto”, 27, taga-Taguig, at Edrian Geronimo Chacon, alyas "Kaka" at taga-Parañaque City.
Sa police report, inaresto si Kasim sa unang operasyon sa Road 14, Maguindanao St., Brgy. New Lower Bicutan, Taguig City dakong 6:30 ng gabi. Nasamsam sa kanya ang 430 gramo ng umano'y shabu na aabot sa ₱2,924,000, sling bag at marked money.
Nakumpiska naman kay Chacon ang 70 ng pinaghihinalaang shabu na nagkakahalaga ng ₱476,000 nang magsagawa ng anti-drug-operation ang pulisya sa Angelina Canaynay Ave., Brgy. San Isidro, Parañaque City dakong 3:30 ng madaling araw.
QC gov’t, sinuspinde F2F classes hanggang SHS, gov’t work sa Jan. 13 dahil sa rally ng INC
Nakatakdang sampahan ng kasong paglabag sa Comprehensive Dangerous Drugs Act of 2002 sina Kasim at Chacon na nasa kustodiya pa rin ng pulisya.
