Ibinasura ng Sandiganbayan ang mosyon ng negosyanteng si Janet Lim-Napoles na i-dismiss ang kinakaharap na kasong graftkaugnay ng umano'y pagkakasangkot sa mga 'ghost projects' gamit ang₱15 milyong Priority Development Assistance Fund (PDAF) ni dating Nueva Ecija 3rd District Rep. Aurelio Umali noong 2005.

Sa ruling ng 2nd Division ng anti-graft court, ibinasura angMotion For Leave To File Demurrer to Evidencena isinampa ng kampo ni Napoles dahil sa kakulangan ng merito.

Bukod sa mosyon ni Napoles, ibinasura rin ng hukuman ang kahalintulad na mosyon ng iba pang akusado na sina Renato Manantan at Narcisa Maningding.

Sinabi ng hukuman na ang demurrer to evidence ay mosyon na isinasampa sa korte dahil sa kakulangan ng ebidensya ng prosekusyon.

"It is significant to note that grounds raised in the instant motions were mere general allegations that the prosecution's pieces of evidence are insufficient to prove beyond reasonable doubt the elements of violation of Sec. 3(e) of RA No. 3019 as well as their conspiracy in the commission. They have not provided any reason or explanation on how they arrived at such a conclusion," ayon sa korte.

"Such general statements run counter to the requirements under Section 23 of Rule 119 of the Rules of Court which instructs that the motion for leave shall specifically state its ground. The court finds the instant motions for leave to file demurrer to evidence untenable," ayon pa sa hukuman.

Matatandaanginilabas ang nasabing pork barrel fund para sana sa ipatutupad na agricultural projects, katulad ng pamamahagi ng irrigation pumps at mga pataba sa mga magsasaka sa Laur, Gabaldon, Bongabon, Santa Rosa, General Natividad at Cabanatuan City sa Nueva Ecija.

Kabilang sa project implementers na inindorso ni Umali ang non-government organization (NGO) ni Napoles na Masaganang Ani Para sa Magsasaka Foundation, Inc. at Samahan ng mga Manininda ng Prutas sa Gabi Incorporated na nagsabwatanpara sa nasabing 'ghost projects,' ayon sa Ombudsman.