Ang phreatic eruption na naganap sa Bulusan Volcano ay maaaring magdulot ng mga sunod pang pagsabog, babala ng isang opisyal ng Philippine Institute of Volcanology and Seismology (Phivolcs).
Ang Bulusan, isang aktibong bulkan na matatagpuan sa lalawigan ng Sorsogon, ay sumabog noong Linggo, Hunyo 5, na nag-udyok sa Phivolcs na itaas ang antas ng alerto mula 0 hanggang 1. Bagama't ang pagsabog ay "hindi nakikita" sa pamamagitan ng ulap sa ibabaw ng edipisyo, ipinakita ng mga ulat na isang steam-rich gray plum na hindi bababa sa 1 kilometro ang taas ang namataan mula sa Juban, Sorsogon.
As of 12 p.m. noong Linggo, naiulat ang ashfall sa Juban at Casiguran, Sorsogon.
Sa gitna ng gulat at takot na dulot ng pagsabog, nilinaw ni Department of Science and Technology (DOST) Undersecretary at Phivolcs Officer in Charge (OIC) Renato Solidum na normal na nangyayari ang mga pagsabog sa Bulusan kahit sa ilalim ng “normal” alert level status nito.
6 dayuhang nagsasagawa ng medical mission sa Leyte, ninakawan!
“Yung pagsabog ay sanhi ng pagkulo ng tubig sa ilalim ng crater. Ito po ay patuloy nating sinusubaybayan. Ito po ay posible talagang mangyari sa Bulusan Volcano na madalas magkaroon ng phreatic eruption, kahit nga po alert level 0, sinasabi natin na dapat iwasan ang 4-kilometer radius permanent danger zone sa Bulusan,” ani Solidum sa isang panayam sa DZBB.
Kasaysayan ng pag-aalburuto at kahandaan
Ang phreatic eruption ay hindi isang kakaibang pangyayari sa Bulusan Volcano. Sa katunayan, sa datos ng Phivolcs, nagsiwalat na hindi bababa sa 21 major phreatic eruptions ang naganap sa bulkan sa nakalipas na 10 taon.
Sa loob ng 10 taon, karamihan sa mga pagsabog ay nangyari noong 2016. Sa kabilang banda, ang datos ng ahensya ay nagsiwalat na ang pinakahuling phreatic eruption ng bulkan ay nangyari noong Hunyo 5, 2017, 10:29 p.m.
Babala ni Solidum, “Sa ating experience sa bulkang Bulusan, once na magkaroon ng ganyang panimulang activity, ay marami pang posibleng sumunod na explosions.”
Samantala, hinimok ni Solidum ang mga local government units (LGUs) sa Sorsogon na suriin ang kanilang “preparedness plans,” kung isasaalang-alang na ang ashfall ay maaaring kumalat saanman ito tangayin ng hangin.
“Kailangang pangalagaan ang ating mga kababayan lalo na ang mga may sakit sa baga,” dagdag niya.
Charlie Mae F. Abarca
