Covid-19 patients, 'di 'umaapaw' sa PGH, Makati Medical Center -- DOH

By Rommel Tabbad

June 05, 2022

In BALITA

Pumalag ang Department of Health (DOH) sa lumabas sa social media na puno na ng pasyenteng tinamaan ng coronavirus disease 2019 (Covid-19) ang Philippine General Hospital (PGH) at Makati Medical Center (MMC).

Binalaan ng DOH ang publiko na maging maingat sa pagpapakalat ng impormasyon at alamin muna ang pinagmulan nito upang hindi mabiktima ng fake news.

“MMC has already issued a clarification of its carefully managed operations and availability for COVID-19 cases should there be a spike (there is none). PGH has clarified that being a public service hospital in high demand, it is occupied by mostly non-COVID-19 cases, and is simply advising the public to please coordinate admissions first,” panawagan ng DOH.

Nitong Sabado, naitala ng Pilipinas ang 213 bagong nahawaan ng sakit kaya umabot na sa 2,436 ang naging aktibong kaso nito sa nasabing petsa.

Paliwanag ng ahensya, nakitaan lamang ng bahagyang pagtaas ng Covid-19 cases sa bansa, gayunman, kumpiyansa pa rin sila na hindi pa dapat bawiin ang ipinatutupad na state of calamity.

Kaugnay nito, pinag-iingat pa rin ng DOH ang publiko dahil sa nakahahawang Omicron sub-variant BA.2.12.1 sa bansa dahil umabot na ito sa 22 kaso.

Apela pa ng ahensya, sumunod pa rin sa ipinaiiral na safety at health protocols upang hindi na tumaas pa ang kaso nito.

Mayoral bet, pumalag sa isyu ng driver niyang dinakip dahil sa 'food packs'

Nagpaliwanag ang natalong mayoral candidate ng City of San Jose Del Monte, Bulacan na si Atty. Earl Tan hinggil sa isyu ng 62-anyos na driver niyang dinakip ng mga pulis ng San Jose Del Monte City Police Station matapos umanong maaktuhang namimigay ng food packs sa mga botante sa araw mismo ng eleksyon noong Lunes, Mayo 12, 2025, na isa umanong akto ng 'vote-buying.'Ayon sa ulat ng...

Pagkukumpuni sa San Juanico Bridge, posibleng pumalo ng ₱500M—OCD

Inihayag ng Office of the Civil Defense (OCD) na tinatayang aabot umano ng milyong halaga ang pagkukumpuni sa isa sa mga pinakamahabang tulay sa bansa—ang San Juanico Bridge.Sa panayam ng Super Radyo dzBB kay OCD administrator Undersecretary Ariel Nepomucena, posible raw na umabot ng ₱300 hanggang ₱500M ang kakailanganin upang makumpuni ang naturang tulay. “Very rough estimate po ito,...

Giit ni HS Romualdez sa bentahan ng ₱20 na bigas: 'The beginning of a national transformation!'

Nagpahayag ng pagsuporta si House Speaker Martin Romualdez sa muling pagsisimula ng bentahan ng ₱20 na bigas sa ilang Kadiwa market sa bansa.Sa kaniyang pahayag nitong Linggo, Mayo 18, 2025, iginiit ni Romualdez na ito na raw ang simula ng pagbabago.“This is not a one-time rollout. This is the beginning of a national transformation. President Marcos is showing us that with political will and...