Masyado pang maaga para husgahan si Senator-elect Robin Padilla kung paano niya gagampanan ang pagiging mambabatas.
Inilabas ni reelected Senator Sherwin Gatchalian ang apela na ito sa isang panayam sa radyo ng DWIZ matapos ‘’ibigay’ ni Majority Leader Juan Miguel Zubiri ang chairmanship ng Senate Constitutional Amendments and Revision of Codes and Laws Committees kay Padilla.
Inamin ni Gatchalian na ang constitutional amendments panel ay medyo kumplikado at ang mga nakaraang committee chairmen ay legal luminaries.
Sinabi ni Senador Aquilino Pimentel III, isang dating Senate President at isang bar topnotcher, na ang komite ay maaaring hawakan ng isang hindi abogado dahil siya ay hahango rin ng payo sa mga abogado.
Libreng toll fee sa NLEX,SCTEX at iba pang expressway, ipatutupad sa Pasko at Bagong Taon
Ngunit ang Senate Justice Committee, ayon kay Pimentel, ay dapat hawakan ng isang abogado tulad ni Senator-elect Francis ‘’Chiz’’ Escudero.
Aniya, sang-ayon siya sa pangkalahatang direksyon ng legislative agenda ni Padilla na parliamentary at federalism ngunit gusto niyang tukuyin ang mga detalye.
Tulad ng iba pang iminungkahing chairman ng komite, ang chairmanship ni Padilla ay iboboto kapag nagsimula ang 19th Congress sa Hulyo 25.
Ang 52-anyos na aktor ng pelikula ay nagpahayag sa publiko na gusto niya ang komiteng ito.
Siya ay inilarawan bilang ‘’Bad Boy of Philippine cinema”. Ang kanyang ama na si Roy Padilla Sr., ay dating Assemblyman ng Camarines Norte noong 1980s.
Sinabi ni Gatchalian na dumalo siya sa mga pampublikong pagdinig ng constitutional amendments committee at ang mga dumalo na nakita niya ay mga dean ng law schools, constitutionalists, at dating chief at associate justices.
‘’Talagang kumplikado ang pangungusap dyan at marami kang dalubhasa na kakausapin pero sa mga nakita ko naman talagang pursigido si Senator Padilla. In fact doon sa isang post niya kinuha niya si Secretary Panelo bilang kanyang chief legal adviser tingin ko determinado siyang matuto at magagaling ang kukunin niyang abogado para bigyan sya ng kaalaman,” aniya.
Si Salvador Panelo, 75, ay nagsilbi bilang punong legal na tagapayo ni Pangulong Duterte hanggang sa magbitiw siya noong Oktubre 2021. Tumakbo siya sa pagka-senador ngunit natalo noong 2022 national elections.
Nang tanungin sa panayam kung ang paghuhusga kay Padilla ay dapat itago pansamantala, sumagot si Gatchalian: ‘’Huwag muna kasi nakita ko na kumukuha naman siya ng mga experts pero yun na nga let’s keep in mind din na ito ay isang kumplikadong kumite at dapat mag-aral nang mabuti.”
Mario Casayuran
