JV Ejercito sa PhilHealth: 'Members' contribution increase, suspendihin muna'

By Rommel Tabbad

June 02, 2022

In BALITA National

Nanawagan si Senator-elect Joseph Victor "JV" Ejercito sa Philippine Health Insurance Corporation (PhilHealth) na suspendihin muna ang pagtaas ng kontribusyon ng mga miyembro nito bunsod na rin ng pandemya ng coronavirus disease 2019 (Covid-19).

Sinabi ni Ejercito, dapat na ipagpaliban ng ahensya ang planong apat na porsyentong premium increase at hindi na rin dapat na singilin ang interest sa hindi nahuhulugang PhilHealth contributions.

"Any increase at this time would be insensitive to the plight of our fellow Filipinos. Our countrymen, who though have somewhat recovered from the pandemic physically are still struggling to recuperate and stabilize their economic well-being.Premium hikes should only be implemented once the country finally recovers. Likewise, interest on missed PhilHealth contributions should also be waived for self-earning individuals, professional practitioners and OFWs," hirit ni Ejercito na principal sponsor ng Universal Healthcare Law.

Nauna nang isinapubliko ng PhilHealth na itutuloy nila ang planong contribution increase ngayong Hunyo kung saan apat na porsyento na ang kokolektahin sa buwanang suweldo ng bawat miyembro.

Matatandaang iniuutos ng Universal Healthcare Act ang pagtataas ng 0.5 porsyento saPhilHealth contributions kada taon hanggang samaabot nito ang five percent limit pagsapit ng 2025.

Idinagdag pa ni Ejercito, dapat na humiling ang Department of Health ng karagdagang pondo upang mabayaran ang dagdag na pagtaas ng kontribusyon dahil na rin sa panukalang ipagpaliban ang premium increase ng PhilHealth.

'Kakasa ka ba?': VP Sara, hinamon ni Rep. Khonghun na magpa-lie detector test

Hinamon ni Zambales 1st district Rep. Jay Khonghun si Vice President Sara Duterte na sumailalim sa lie detector test kasama si retired Department of Education (DepEd) undersecretary Gloria Jumamil-Mercado para malaman daw kung sino sa kanilang dalawa ang nagsasabi ng totoo.“Kung talagang sa puso ni VP Duterte eh feeling niya nagsasabi siya ng totoo, mag-lie detector test na lang silang...

PBBM sa senatorial slate niya: 'This will lead us to a stronger, more prosperous PH'

Kumpiyansa si Pangulong Ferdinand “Bongbong” Marcos Jr. sa kaniyang 12 line-up ng senatorial candidates na ineendorso ng kaniyang administrasyon para sa 2025 midterm elections.Sa isang Facebook post nitong Huwebes, Setyembre 26, sinabi ni Marcos na magdadala ang alyansang susuportahan ng administrasyon sa susunod na elekyon ng isa umanong mas malakas at mas maunlad na Pilipinas.“I stand by...

Zubiri, pinayuhan si SP Chiz: 'Never be too attached to your office'

Bilang dating pangulo ng Senado, pinayuhan ni Senador Migz Zubiri si Senate President Chiz Escudero, at maging ang mga susunod pang magiging Senate leaders, na huwag masyadong maging kampante sa kaniyang puwesto dahil “normal occurrence” daw ang ouster plots sa Upper Chamber.Sa ginanap na Kapihan sa Senado forum nitong Huwebes, September 26, na inulat ng Manila Bulletin, sinabi ni Zubiri na...