Nagsagawa ng protesta ang mga estudyante ng University of the Philippines (UP) sa UP Diliman sa Quezon City nitong Miyerkules, Hunyo 1, para himukin ang papasok na 19th Congress na i-institutionalize ang UP-Department of National Defense (UP-DND) accord.

Ito ay alinsunod sa pag-aalala ng komunidad ng UP tungkol sa mga ulat ng harassment sa loob ng mga kampus.

Ang mga aktibidad ng red-tagging sa mga kampus ng UP sa buong bansa ay tumindi nitong mga nakaraang buwan ayon kay Renee Co, isa sa mga nagprotesta at miyembro ng UP Student Regent sa isang press conference sa pamamagitan ng Facebook live.

Kapag napirmahan na ang UP-DND ay maggagarantiya ng kalayaang pang-akademiko at proteksyon ng mga mag-aaral mula sa mga posibleng pang-aabuso mula sa militar at pulisya.

National

LPA, nabuo sa loob ng PAR matapos ang paglabas ng bagyong Carina

Gayundin, angPPhilippine National Police, Armed Forces of the Philippines, o anumang ahensyang nagpapatupad ng batas ay hindi makakapagsagawa ng anumang mga operasyon sa loob ng mga kampus ng UP nang walang paunang koordinasyon sa mga administrador ng kampus.

Dumalo rin sa protesta si Raoul Manuel, ang itinalagang Kabataan party-list representative para sa susunod na kongreso.

Tiniyak niya na uunahin ang UP-DND at magpapatuloy ang pagsisikap ng UP community laban sa mga nabanggit na isyu.

Mahigit isang taon na ang nakararaan, unilateral na winakasan ng DND ang 31 taong gulang na kasunduan sa UP dahil sa impormasyong aktibong nagre-recruit ng mga estudyante ang mga komunistang grupo sa loob ng mga kampus.

Pinayagan nito ang mga puwersang nagpapatupad ng batas na makapasok sa paligid ng campus.

Ang mga miyembro ng UP Office of the Student Regent at ng Defend UP Network ay aktibong nagsusumikap sa pag-apruba ng UP-DND.

Ang Defend UP Network ay binubuo ng mga mag-aaral, guro, kawani, at alumni mula sa UP.

Luisa Cabato