Binisita ng mga miyembro ng Compliance Monitoring and Evaluation Office (CMEO) ng Anti-Red Tape Authority (ARTA) ang mga tanggapan ng gobyerno ng Las Piñas para subaybayan at suriin ang kanilang pagsunod sa Republic Act 11032 o ang Ease of Doing Business and Efficient Government Service Delivery Act of 2018.
Ang pangkat ng CMEO ay nagsagawa ng inspeksyon upang patunayan ang pagsunod ng mga tanggapan sa mga probisyon ng batas, partikular na ang Citizens Charter requirement, ang automation requirements o mga establishment ng electronic Business One Stop Shop (eBOSS).
Nais din ng CMEO na matiyak na ang mga hakbang at regulasyon na nagpapadali sa mahusay na mga serbisyo ng gobyerno at kadalian ng paggawa ng negosyo sa lungsod ay ipinatutupad at sinusunod.
Binisita ng team ang opisina ng City Administrator sa ilalim ni Reynaldo Balagulan para magbigay ng pangkalahatang-ideya sa pagsasagawa ng inspeksyon.
DepEd, sinabing walang korapsyon sa pamumuno ni Sonny Angara
Binigyang-diin ng ARTA na ang mga pinuno ng mga tanggapan ay dapat na maging responsable at may pananagutan sa pagbibigay ng mabilis, maginhawa at maaasahang serbisyo sa publiko.
Jean Fernando
