Inaresto ng pulisya ang isang lalaki na nakuhanan ng P55 milyong halaga ng shabu sa buy-bust operation sa Tala, Caloocan City noong Lunes, Mayo 23.
Kinilala ng pulisya ang suspek na si Tantawi Salic alyas “Tangie”, 35, residente ng Caloocan City.
Isinagawa ang buy-bust ng mga operatiba ng Caloocan Police Station sa Riverside Phase 12, Barangay 188, Caloocan City dakong 3:50 ng madaling araw.
Nakuha ng pulisya mula sa suspek ang walong piraso ng transparent vacuum-sealed plastic at isang plastic bag na naglalaman ng kabuuang 8,100 gramo ng umano'y shabu na nagkakahalaga ng P55,080,000.
Dahil daw kay PBBM: VP Sara, FPRRD nagkaroon ng ‘father-daughter’ relationship
Nasamsam din ang pitong piraso ng foil wrapper bag, isang blue travel backpack, isang black digital weighing scale, dalawang pirasong P1,000 bill, at boodle money na ginamit sa buy-bust, sabi ng pulisya.
Nakakulong ngayon si Salic sa custodial facility ng Caloocan Police Station.
Sasampahan ng kasong paglabag sa Republic Act 9165 o Comprehensive Dangerous Drugs Act of 2002 ang suspek.
Allysa Nievera
