Maaaring si Senator Risa Hontiveros lang ang pasok sa oposisyon sa hanay ng mga bagong senador na ipinroklama nitong Miyerkules, Mayo 18, ngunit tiniyak ng mga volunteers sa Parish Pastoral Council for Responsible Voting (PPCRV) na hindi siya nag-iisa sa tagumpay na ito.
Si Hontiveros, ang nag-iisang opposition senator na nanalo sa katatapos na halalan, ang tanging senator-elect na nakakuha ng palakpakan mula sa mga volunteer sa PPCRV command center sa proclamation ceremony.
Tatlong beses na umani ng palakpakan si Hontiveros mula sa mga volunteer, upang maging eksakto, nang live na ipinakita ang proklamasyon ng 12 nanalong senador sa command center sa loob ng Quadricentennial Pavilion sa Unibersidad ng Santo Tomas (UST) sa Maynila.
Ang nag-iisang opposition senator ay unang nakatanggap ng maugong na palakpakan mula sa mga volunteer nang banggitin ang kanyang pangalan ni Comelec Commissioner George Erwin Garcia habang binabanggit niya ang mga nanalong senatorial bets.
50.78% examinees, pasado sa Nov. 2024 Licensure Exam for Agriculturists
Muling pinalakpakan ng mahigit 200 volunteers, na nag-encode ng physical election returns, si Hontiveros nang tawagin siya para sa proklamasyon.
The final applause happened when she ended her speech with the phrase: Walang iwanan. Tuloy ang laban.
Siya ang tanging nanalong senador na nakatanggap ng hiyawan mula sa mga boluntaryo ng poll watchdog na nakabase sa simbahang Katoliko.
Sa kanyang talumpati, sinabi ni Hontiveros na ang pagkapanalo sa kanyang reelection bid ay halos isang himala. Pumuwesto siya sa ika-11 na may mahigit 15 milyong boto.
“Looking back at everything we went through, I cannot help but think that it is almost a miracle that I am standing before you today. But the truth is, I am able to mark this new journey because of the love and hardwork of everyone around me,” ani Hontiveros habang hinikayat niya ang mga Pilipino na magtulungan at magdamayan para sa isa't isa.
Si Hontiveros ang nag-iisang kandidato mula sa opposition slate sa pangunguna ni Vice President Leni Robredo na nagtagumpay sa 2022 elections.
Betheena Unite
