Toll hike sa Cavitex at NLEX, epektibo na ngayong araw-Balita

Toll hike sa Cavitex at NLEX, epektibo na ngayong araw

Epektibo na ngayong Huwebes ang toll hike sa Manila-Cavite Toll Expressway (Cavitex) at maging sa North Luzon Expressway (NLEX).

Base sa bagong toll matrix ng Cavitex, P33 na ang bayad para sa Class-1 vehicles na dating P25 lamang habang P67 naman para sa Class-2 vehicles na dating P50 lang.

Nasa P100 naman ang taas ng toll rates para sa mga Class-3 vehicles na dating P75 lang ang toll fee.

Samantala, ayon naman sa NLEX Corp., na siyang operator ng NLEX, tataasan ng P2 ang kanilang toll sa open system at P0.34 naman kada kilometro sa closed system.

Sa ilalim ng adjusted toll rates, ang mga motoristang bumibiyahe sa loob ng open system ay kailangang magbayad ng karagdagang P2 para sa Class 1 vehicles (regular cars at SUVs), P6 naman para sa Class 2 vehicles (buses at small trucks), a P8 para sa Class 3 vehicles.

Nabatid na ang open system ay mula sa Balintawak, Caloocan City hanggang Marilao, Bulacan habang sakop naman ng closed system ang bahagi sa pagitan ng Bocaue, Bulacan at Sta. Ines, Mabalacat City, Pampanga kabilang ang Subic-Tipo.

Ang mga bibiyahe naman sa NLEX end-to-end sa pagitan ng Metro Manila at Mabalacat City ay magbabayad ng karagdagang P27 para sa Class 1, P69 para sa Class 2 at P82 para sa Class 3 vehicles.

Una nang sinabi ng Cavitex management at ng NLEX Corp., na ang pagpapatupad nila ng toll hikes ay kasunod nang pag-apruba dito ng Toll Regulatory Board (TRB).

Sinabi naman ng Cavitex na upang makatulong sa mga PUV, lumang toll rate na muna ang sisingilin sa kanila sa loob ng tatlong buwan.

"To help cushion the impact of the toll increase, public utility jeepneys (PUJs) under the NLEX Passada and Tsuper Card discount and rebate program will continue to enjoy the old rates,” ayon naman sa NLEX Corp..

“Provincial buses will also be covered by a graduated rebate scheme for a period of three months,” anito pa.

Tiniyak naman ng tollway company na ang naturang ipatutupad na adjustments ay tumatalima sa regulatory procedures at sumailalim sa masusing pagrepaso.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...