Bababa ng 12 sentimo kada kilowatt hour (kwh) ang singil sa kuryente ng Manila Electric Co. (Meralco) ngayong Mayo.
Paliwanag ng Meralco, ito'y katumbas ng ₱24 na bawas sa bayarin ng mga kumukonsumo ng 200kwh kada buwan; ₱36 sa mga nakakagamit ng 300kwh; ₱48 sa mga kumukonsumo ng 400kwh at ₱60 naman sa gumagamit ng 500kwh.
Nilinaw ng kumpanya na tumaas ang generation charge ng ₱0.35/kwh, gayunman, bumaba pa rin ang singil sa kuryente dahil inatasan naman ng Energy Regulatory Commission (ERC) ang Meralco na mag-refund ng mahigit ₱7.7 bilyong over collections.
Katumbas ito ng reduction na 47 sentimo kada kwh sa mga residential customers.
Metro
Marikina LGU: Ulat na dinukot ang 4 na menor de edad sa lungsod, fake news!
Ang naturang refund ay isasagawa ng Meralco sa loob ng isang taon, simula ngayong buwan.
