Umabot na sa 54 degrees Celsius (°C) ang computed heat index value sa Dagupan City, Pangasinan bandang alas-2 ng hapon, Martes, Mayo 10, batay sa monitoring ng Philippine Atmospheric, Geophysical and Astronomical Services Administration (PAGASA).
Sa ngayon, ang pinakamataas na heat index ngayong taon na 55°C ay naitala sa Dagupan City noong Mayo 1.
Samantala, pito pang istasyon ang nakapagtala sa pagitan ng 42°C at 47°C na heat index noong Martes.
Ang mga ito ay:
6 dayuhang nagsasagawa ng medical mission sa Leyte, ninakawan!
Virac, Catanduanes (47°C, 2 p.m.)
Sangley Pt., Cavite (44°C, 2 p.m.)
Baler, Aurora (42°C, 2 p.m.)
Catbalogan, Western Samar (42°C, 11 a.m.)
Daet, Camarines Norte (42°C, 11 a.m.)
Infanta, Quezon (42°C, 2 p.m.)
Laoag City, Ilocos Norte (42°C, 2 p.m.)
Sa pamamagitan ng mga heat index sa pagitan ng 41°C at 51°C, sinabi ng PAGASA na may matass na posibilidad na panganib “as heat cramps and heat exhaustion are likely,” habang “heat stroke is probable with continued activity.”
Sa susunod na 24 oras, sinabi ng PAGASA na ang easterlies o mainit na hangin mula sa Pacific Ocean ay patuloy na magdadala ng mainit at mahalumigmig na panahon sa halos buong Luzon at Visayas.
Gayunpaman, pinayuhan pa rin nito ang publiko na manatiling mapagbantay sa panahon ng matinding pagkulog, na kadalasang nauugnay sa malakas na pag-ulan, pagkidlat, pagkulog, at pagbugso ng hangin na karaniwang tumatagal ng hanggang dalawang oras, dahil maaaring magdulot ito ng mga pagbaha o pagguho ng lupa.
Samantala, ang intertropical convergence zone (ITCZ) ay magdadala ng maulap na papawirin na may kalat-kalat na pag-ulan at pagkidlat-pagkulog sa Palawan at Mindanao.
Nagbabala ang PAGASA laban sa posibleng flash flood o landslide dahil sa katamtaman hanggang sa malakas na pag-ulan na dala ng ITCZ.
Ellalyn De Vera Ruiz
