Yorme Isko, tinawag na 'BBS' ang kampo ni VP Leni: "Bilib na Bilib sa Sarili"-Balita

Yorme Isko, tinawag na 'BBS' ang kampo ni VP Leni: "Bilib na Bilib sa Sarili"

Tinawag na 'BBS' o 'Bilib na Bilib sa Sarili' ni presidential candidate at Manila City Mayor Isko Moreno Domagoso ang kampo ng katunggaling si Vice President Leni Robredo, nang hamunin niya itong pasinungalingan ang mga akusasyon niyang pinaaatras sila nina Senator Ping Lacson at dating kalihim ng National Defense na si Norberto Gonzales, ngayong Miyerkules, Abril 20, 2022.

"Kasi puro BBS eh, Bilib na Bilib sa Sarili. Now I challenge, this is on record, again, huwag na kayo mag-speculate, huwag na kayong mag-spill, diretsahan… Madam Vice President Leni Robredo… totoo ba? Totoo ba?" pahayag ni Yorme Isko sa panayam ng media.

Muli na namang nagpakawala ng patutsada laban kay VP Leni hinggil sa isyu ng pagpapaatras umano sa kanila bilang kandidato sa pagkapangulo, bagay na isiniwalat nila sa naganap na 'Unity joint press conference' noong Easter Sunday, Abril 17, 2022.

"I challenge the honorable Vice President Leni Robredo, deny. Deny n'yo na hindi n'yo kami pinaatras, na hindi n'yo pinaatras si Norberto Gonzales, hindi n'yo pinaatras si Senator Ping," pahayag ng alkalde ng Maynila sa isang panayam ngayong Abril 20, 2022.

"Kayo lang ba ang may karapatan tumakbo? Kayo lang ba ang may karapatang maging kandidato sa pagkapangulo? Kayo lang ba ang magaling?"

Basahin: https://balita.net.ph/2022/04/20/yorme-isko-kay-vp-leni-deny-nyo-na-hindi-nyo-kami-pinaatras-kayo-lang-ba-magaling/">https://balita.net.ph/2022/04/20/yorme-isko-kay-vp-leni-deny-nyo-na-hindi-nyo-kami-pinaatras-kayo-lang-ba-magaling/

Noong Linggo rin ay naging trending ang hashtag na #WithdrawLeni. Maging anak na Kapuso teen actor na si Joaquin Domagoso ay nakiisa na rin sa panawagang ito.

Sinabihan din nito ang spokesperson ni VP Leni na si Atty. Barry Gutierrez na tumabi na sa gilid at hayaang magsalita ang pangalawang pangulo.

“Barry tabi ka na sa gedli (gilid). Pasalitain mo amo mo. O baka hindi niya mabasa, kailangan niya teleprompter,” patutsada ng alkalde.

Samantala, sa kaniyang Twitter, kaagad na sumagot naman si Atty. Gutierrez. Isang simpleng 'K' o maigsing 'Okay' ang tugon niya.

https://twitter.com/barrygutierrez3/status/1516618545408667651

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...