Aabot sa 625 gramo ng iligal na droga na nagkakahalaga ng ₱4,250,000 ang nasamsam ng pulisya sa ikinasang buy-bust operation sa Taguig City nitong Miyerkules ng gabi.
Nakakulong na sa District Drug Enforcement Unit ang mga suspek na nakilalang sina Amerigo Baldos, 39; Benedicto Barcelona, 50; Johncin Ochea, 24; at Francis Barcelona, 24, pawang high-value target ng pulisya.Sa ulat na natanggap ni Southern Police District (SPD) chief, Brig. Gen. Jimili Macaraeg, isinagawa ang anti-illegal drug operation ng pulisya sa 83 Labaoo St., Brgy. Ligid-Tipas dakong 7:35 ng gabi na ikinaaresto ng apat na suspek.
Naniniwala ang pulisya na ang apat na suspek ang nagsusuplay ng iligal na droga sa Metro Manila at sa karatig-lalawgan.
Nakumpiska sa mga ito ang naturang halaga ng shabu, drug paraphernalias at personal na gamit.
Mayor Lacuna: Payout sa 203K seniors, malapit nang matapos
Inihahanda na ng mga awtoridad ang kasong paglabag sa Comprehensive Dangerous Drugs Act of 2002 laban sa mga suspek.
